Талғат Елубайұлы Нұрғазиев

Талғат Елубайұлы Нұрғазиев - 1963 жылы 1 қаңтарда Атырау облысында туған. 1993 жылы ҚазМБА-ны бітірген, экономист.

• 1984-93 жылдары - Алматы мақта-мата комбинатында тасымалдаушы, мастердің шәкірті, тасшы, брокер, инженер.

• 1993-96 жылдары - «Бейбітшілік мәдениет арқылы» халықаралық қауымдастығы Қазақ бөлімінің атқарушы директоры, бас директоры.

• 1996 жылы - «Жас-Қанатаудит» ЖШС бас директорының 1-ші орынбасары.

• 1996-2000 жылдары - «Сәулет» ЖШС президенті.

• 2000 жылдан - «Сапа - Консалтинг» ЖШС бас директоры. ҚР Аудиторлар палатасы мен Кәсіпқой бағалаушылар палатасының құрметті мүшесі. «Үздік аудитор» дипломымен (2004), «Қазақстан Республикасында аудиторлық қызметтің дамуына зор еңбек сіңіргені үшін» омырау белгісімен (2005) марапатталған.

Жұмыстағы негізгі ұстанымы: «Біз өз клиенттеріміз бен беделімізді қадір түтамыз, сондықтан біздің жұмысымыздың негізгі ұстанымы сапа болып табылады».

Іскер адамның бойындағы құнды қасиеттер: «Басқа адамды түсіне білу, тыңдай алу, қорытынды жасай білу, өкінішке қарай, сирек кездесетін, бірақ іскер адамдар үшін өте құнды қасиет».

Қазақстан қаржы аясына талдау: «Қазіргі кезеңде қаржы секторы жаңа сапалы даму деңгейіне аяқ басты. Заңдарды жетілдіру және банктер, жинақтаушы зейнетақы қорлары, сақтандыру ұйымдары қызметін реттеу бойынша үлкен жұмыстар жүргізілді. Қазақстанның инвестициялық деңгейге дейінгі кредиттік рейтингісінің жақсаруы да - елдің қаржы секторының табысты дамуының нәтижесі. Сонымен бірге, жаһандану үрдістерінің күшеюімен және бәсекелес күрестің шиеленісуімен сипатталатын экономиканың қазіргі заманғы даму кезеңі экономиканың қаржы секторының жұмысын одан ары жетілдіруді қажетсінеді».