Тамды мұнай-газконденсат кен орны
Тамды мұнай-газконденсат кен орны — Үстірт-Бозащы ойпаңының түйіскен жерінде, Маңғыстау облысы Бейнеу ауданындағы Боранқұл станциясының солтүстік-батысында 55 км жерде орналасқан. Кен 1986 жылы ашылып, сол жылы барлау-бұрғылау жұмысы басталған.
| Тамды мұнай-газконденсат кен орны | |
| 43°57′ с. е. 52°55′ ш. б. / 43.950° с. е. 52.917° ш. б. (G) (O) (Я)Координаттар: 43°57′ с. е. 52°55′ ш. б. / 43.950° с. е. 52.917° ш. б. (G) (O) (Я) | |
| Ел |  Қазақстан |
| Аймақ | Маңғыстау облысы |
| Статусы | консервация |
| Ашылған уақыты | 1977 жыл |
Геологиялық құрылымы өңдеу
Шағын тектоникикалық тұрғыда кен батыс және шығыс төбелер арқылы күрделіленген ендікке жуық бағытта созылған антиклинальдық қатпардан орын алған. Мұнай иірімінің биіктігі 12,4 м, газконденсат иірімінікі 50 м. Су-мұнай жапсары – 2707 м, газ-су жапсары – 3105 м белгілерден өтеді. Иірімдер қабаттық, дөңдік, литологиялық қалқаланған. Қабаттар терригендік жыныстардан түзілген, коллекторлардың кеуектілігі 19-20%.
Қанығу сипаты өңдеу
Мұнайға қаныққан қалыңдығы 11 м, газға қаныққан қалыңдығы 27,4 м. Бастапқы қабаттық қысым 34,3 МПа, температурасы 103°С.
Тығыздығы, құрамы өңдеу
Мұнай ауыр, тығыздығы 920 кг/м3. Конденсаттың тығыздығы 752 кг/м3, құрамында парафині 4%, күкірті 0,05%. Газдың құрамында 85,89% метан, 6,09% этан, 3,17% пропан, 0,56% изобутан, 0,57% көмір қышқыл газы бар. Иірімдердің режимі суарынды және серпімді газарынды. Хлоркальцийлі типті қабат суларының тығыздығы 1140 кг/м3, минералданған 200 г/л.[1][2]
Дереккөздер өңдеу
- ↑ «Атырау» энциклопедиясы, Алматы, 2000;
- ↑ Отырар. Энциклопедия. – Алматы. «Арыс» баспасы, 2005 ISBN 9965-17-272-2
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |