Тарас Шевченко мұражайы мен мемориалдық кешені

Тарас Шевченко мұражайы мен мемориалдық кешені
	Тарас Шевченко мұражайы мен мемориалдық кешені
Бұрынғы атауы	Коменданттың жазда демалатын ордасы
Жалпы мәлімет
Статусы	Республикалық маңызы бар сәулет ескерткіші
Түрі	сакралды нысан
Сәулет стилі	қала құрылысы және сәулет
Мекен жайы	Т.Г. Шевченко атындағы саябақ, Б. Маяұлы көшесі, 7.
Орналасқан қала	Форт-Шевченко
Құрылысы басталды	1853 жыл

Тарас Шевченко мұражайы мен мемориалдық кешені – Маңғыстау облысының республикалық маңызы бар тарих және мәдениет ескерткіштері тізіміне енген қала құрылысы және сәулет ескерткіші. Қазақстанның жалпыұлттық сакралды нысандар тізіміне енгізілген.

Орналасқан жері

Түпқараған ауданы, Форт-Шевченко қаласы, Т.Г. Шевченко атындағы саябақ, Б. Маяұлы көшесі, 7.

Ашылу кезеңі

1932 жыл.

Тарихи деректер

Бұл – Маңғыстау аумағында ашылған алғашқы мұражай. Мұражайдың ғимараты 1853 жылы салынған, ол ертеректе коменданттың жазда демалатын ордасы болған. Мұражай кешенінің өзі Новопетровск бекінісінің бұрынғы бау-бақшасының аумағында орналасқан.

Экспозициялары

Мұражай экспозицияларының негізгі бөлігі коменданттық жазғы үйдің залдарында тұр. Экспозиция он жылдың сегіз жылдан астамын украиндық танымал ақын, дарынды суретші Т.Г. Шевченконың Маңғыстау жерінде айдауда өткізген 1850-1857 жылдардағы өмірі мен шығармашылығынан мәлімет беретін материалдардан тұрады. Мұражай-мемориалдық кешен тек украин халқына ғана емес, қазақ халқына да маңызды болып табылатын Тарас Шевченконың жеңілмейтін батыр образын сипаттайды.
Т.Г. Шевченко қазақ жерінің сұлулығын жырлаған алғашқы еуропалық суретші болды.
Сондай-ақ Т.Г. Шевченко Новопетровск бекінісінде бірінші ағашты отырғызғаны белгілі. Т. Шевченконың арқасында гарнизондық бақша жасыл саябаққа айналды деген әңгіме айтылады. Ақын Гурьевтен (қазіргі Атырау) өзі әкелген шыбықтан өсіп шыққан қызылталын отырғызды. Форт-Шевченко тұрғындары бір ғасырдан астам уақыт бұл қасиетті ағашты аялап күтті. Қазіргі уақытта да "Тарасовтың қызылталы" деген атпен танымал. Саяхатшылардың қызығушылығын туғызатын нысандардың бірі әлі күнге дейін "Шевченко құдығы" деген атпен белгілі екі құлама шатырдың астындағы көне қима болып табылады.
2017 жылы Тарас Шевченко мұражайы – Украинадан тыс орналасқан ақын мұражайы өзінің 85 жылдығын атап өтті.^[1]

Дереккөздер

↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9

[1] Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9

[1]