Тарбағатай қорықшасы
Тарбағатай мемлекеттік қорықшасы – 10 жылға арналып 1968 жылы құрылған. 1978 жылы қызмет мерзімі келесі 10 жылға ұзартылды. Облыстық мәні зор.
| Тарбағатай қорықшасы | |
| Жалпы мағлұмат | |
|---|---|
| Ауданы | 240 мың га |
| Құрылған уақыты | 1968 жыл |
| Орналасуы | |
| 47°17′23″ с. е. 84°06′01″ ш. б. / 47.289766° с. е. 84.100246° ш. б. (G) (O) (Я)Координаттар: 47°17′23″ с. е. 84°06′01″ ш. б. / 47.289766° с. е. 84.100246° ш. б. (G) (O) (Я) | |
| Ел |  Қазақстан |
| Аймақ | Шығыс Қазақстан облысы |
| Аудандар | Зайсан ауданы, Тарбағатай ауданы |
Географиялық орны, жер бедері
өңдеуШығыс Қазақстан облысы Зайсан және Тарбағатай аудандарының 240 мың га жерін алып жатыр. Маңырақ жотасының далалық бөлігі мен Шілікті аңғарының солтүсті бөлігінде орналасқан. Қорықшаның жерін Құсты, Қызыл қайыңды, Қандысу, Қарасу және т.б өзендер кесіп өтеді.
Флорасы мен фаунасы
өңдеуТаудың ортаңғы белдеуінде бетеге аралас, астық тұқымдас өсімдіктер, тау етегінде жусан, бетеге аралас көптеген шөп түрлері өседі. Шатқалдар мен тау баурайында бұта мен ағаш, атап өтсек: зерек, итмұрын, үшқат, қараған, тал, мойыл, көктерек. аққайың шоқтанып, жанданып тоғайға айналған. Қорықшада Қызыл кітапқа енгізілген жолақ қарашұбар жылан, дуадақ, ақбас тырна, дала бүркіті, қарабауыр бұлдырық, лашын, ителгі, бүркіт, қарақұс, арқар, қоян, суыр, елік, құр, сұр шіл, кекілік, үкі мекендейді.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5