Тарғылбас құнақ

Тарғылбас құнақ- торғайтәрізділер отряды, құнақтар тұқымдасының өкілі.

Дене мөлшері орташа (салмағы 18-30 г) құнақ. Аталығы ашық боялған: басы мен денесінің алдыңғы жағы жалтыраған қара, белі мен құрсағы ақ, кеудесі мен иығы қызғылт сары түсті. Тайга құсы, Қазақстанда тек Алтайдың таулы ормандарында ұялайды. Ұясы Оңтүстік Алтайдағы биік діңді ормандағы төмпешікті саздан табылған. Ұясы жерден биік, ағаш басына салады. 5-7 шұбар жұмыртқаларын аналығы басып шығарады. Қазақстанда ұядағы тіршілігі толық зерттелмеген. Басқа құнақтар сияқты ересектері дәнмен, балапандары жәндіктермен қоректенеді. Тарғылбас құнақтар топ болып Қазақстанның оңтүстігінде қыстайды.