Таспалалылар (Ladoga, Limenitis) — нимфалидтер тұқымдасына жататын көбелектер туысы. Қанаттарының үстіңгі жағы қара, ақпен суреттелген, астыңғы жағы тотықтықызыл, артқы қанаттарының шеті, толқындалған. Жер шарының солтүстік ендігінің коңыржай және субтропикалық аймақтарында мекендейді. Ағаш сабақтарының ұшында оралған жапырақ ішінде көбелек жұлдызқұрттары қыстайды. ТМД—да 9 түрі бар. Ен кең таралғаны, терек Т. қанатының құлашы 65— 80 мм, маусым—шілдеде жаппай ұшады, жұлдызқұрттары теректі мекендейді; Камилла Т. қанатының құлашы 50—60 м, маусым—тамызда ұшады, жұлдызқұрттары тікенекті, ұшқатты мекендейді.[1]
Дереккөздер
өңдеу