Тасқайнар флюорит кендері

Тасқайнар Флюорит Кендері– Жамбыл облысы Отар ст-ның оңтүстік-батысында орналасқан. 1963 ж. ашылған. Тасқайнар Флюорит Кендерін Оңтүстік Тасқайнар, Шығыс Тасқайнар, Аралық Тасқайнар, Өрікті, Ырғайты деп аталатын кендер құрайды. Олар Бесмойнақ синклиналдық белдемінің солтүстік-батыс бөлігі ернеуінің солтүстік-батыс, солтүстік-шығыс және меридиандық жарылыстарының қиылысқан жерінен орын алады.

Флюорит

Флюорит ордовик пен карбонның арасындағы женттастарда шоғырланған. Т. ф. к-нің алғашқы үшеуінде жайпақ күмбезді кентас денелері солтүстік-батысқа бағытталып, ұзындығы 600 – 1200 м, ені 70 – 550 м, қалыңд. 2 – 43,7 м, флюоритінің орташа мөлшілері 30 – 34%, ал соңғы екеуіндегі линза пішінді кентас денелері солт.-батыс және меридиандық бағытта созылып, 100 – 180 м тереңдікте және қалыңд. 0,75 – 18,6 м болып келеді. Кендерінің жаралуы герцин кезеңінің аяғындағы магматизм құбылысымен байланысты.Флюорит флотациялық әдіспен байытылады.