Тасқала кәсіптік-техникалық мектебі

Тасқала кәсіптік-техникалық мектебі - Тасқала ауданындағы бастауыш кәсіптік білім беретін оқу орны.

Мектеп тарихы

1932-33 жылдары «Камен» кеңшарының базасында оқу комбинаты ретінде құрылды. 1934 жылы 1 қазанда КСРО Егіншілік халық комитінің шешімімен ауыл шаруашылығын механикаландыру мектебі ретінде қайта құрылды. 1941 жылы ол Каменка (қазіргі Тасқала) ауданының Логашкино селосына көшіріліп, оның орнына Қызыл Армия бөлімдеріне әскери ұшқыштар даярлайтын мектеп ашылды. 50-жылдары мектеп ауыл шаруашылығын механикаландыру училищесі, 1980 жылы орта кәсіптік техникалық училище болды. 1997 жылдан «кәсіптік-техникалық мектеп» деп аталатын мемлекеттік мекеме статусын иеленді.

Жаңа замандағы мектеп

Қазір мұнда кең профилді тракторшы-машинашы, аспазшы-бухгалтер, ауыл шаруашылығы өндірісі бухгалтері, «В» және «С» категориялы жүргізушілер даярланады. Оқушыларға жоғары білімді, өндірістік тәжірибесі мол инженер-педагогтар сабақ береді. Мектеп қабырғасынан М.Ержанов, Ғ.Абдошев, Т.К.Овчаренко сияқты Социалистік Еңбек ерлері шықты.