Тасқала ауданы

Тасқала ауданы — Батыс Қазақстан облысының солтүстік-батысында орналасқан әкімшілік бөлініс. Тасқала ауданы 1933 жылы 8 қараша айында құрылып, "Каменка ауданы" деп аталған, 1993 жылдан қазіргі атауын иеленді. Ауданның аумағы - 8 068 км².

Қазақстан ауданы
Тасқала ауданы
Әкімшілігі
Облысы	Батыс Қазақстан облысы
Аудан орталығы	Тасқала
Ауылдық округтер саны	9
Ауыл саны	28
Әкімі	Талғат Асқарұлы Шәкіров
Аудан әкімдігінің мекенжайы	Тасқала ауылы, Абай көшесі, №23
Тарихы мен географиясы
Координаттары	50°48′04″ с. е. 49°57′41″ ш. б.50.80111° с. е. 49.96139° ш. б. / 50.80111; 49.96139
Құрылған уақыты	1933
Жер аумағы	8,0 мың км²
Уақыт белдеуі	UTC+5:00
Тұрғындары
Тұрғыны	16 276 адам (2023)
Ұлттық құрамы	қазақтар (89,53%), орыстар (8,26%), татарлар (0,88%), басқалары (1,33%)
Сандық идентификаторлары
Пошта индексі	091000- 091008
Автомобиль коды	07
Тасқала ауданының әкімдігі

Географиялық орны

Аудан солтүстігінде Ресей Федерациясының Саратов облысы аумағымен, батысында Батыс Қазақстан облысының Бәйтерек, оңтүстігінде Ақжайық, шығысында Казталов аудандарымен шектесіп жатыр. Ауданның орталығы Тасқала, облыс орталығы Орал қаласынан 80 шақырым жерде орналасқан. Аудан Қазақстан мен Орталық Азияны Ресейдің еуропалық бөлігімен жалғайтын темір жол және Орал – Тасқала – РФ бойында орналасқан.

Жер бедері

Ауданның жалпы жер қыртысы тегіс. Ең биік төбесі Ешкітау (Ичка), теңіз деңгейінен биіктігі 259 метр. Бұл облыстағы ең биік нүкте. Ауданның гидрографиялық жүйесінде Деркөл, 1-Шежін, 2-Шежін шағын өзендері бар. Аудан арқылы Шежін, Мереке, Қазақстан, Қосшы ауылдық округтері аумағынан өтетін, Киров су қоймасынан өз бастауын алатын Жайықбай каналы өтеді.

Шежін ауылдық округінің аумағында Бірқазан мемлекеттік қорығы бар. Онда табиғатта сирек кездесетін су құстары мен жыртқыш аңдар мекендейді.

Білім саласы

Тасқала ауданының жалпы орта білім беру жүйесі өте жоғары деңгейде. Тасқала ауданының оқушылары әртүрлі деңгейдегі білім сайыстарына қатысып жоғары орындарды иеленіп келеді. Аудан ҰБТ нәтижелері бойынша алдыңғы қатарларда тұрақты орналасып келеді. Аудан білімінің деңгейін көтеруде 2005 жылы негізі қаланған "Сәулет" мектеп-лицейінің үлесі зор. Сәулет лицейі облыс орталығының алпауыттарынан қалыспай айтарлықтай бәсеке көрсетеді, лицейдің әсіресе жаратылыстану пәндері бойынша жетістіктері зор.

Пайдалы қазбалары

Құрылыс материалдары жасақталған - ақ балшық, құм және гравиі бар, ауданда 5 пайдалы кен орындары және күйдірілген, отқа тұрақты селикат тасын дайындауға арналған цемент қоспасына бай тас шығару шикі заты бар 3 кен орны ашылған.

Зерттеу барысында анықталған өндіріс әйнегіне жарамды кварц құмы, тау тектес өндіріске пайдалы шебін қорлары анықталған. Сонымен қатар аудан аумағында көгілдір газбен мұнай қоры орналасқан жер анықталды.

Халқы

1939	1959	1970	1979	1989	1999	2009	2021
38758	▼14606	▲21237	▲22131	▼21605	▼20645	▼17202	▼16588

Халқының саны 2019 жылы 16 701 адамды құрады. Ұлттық құрамы: қазақтар — 88,96%, орыстар – 8,68%, басқалары — 2,35%.

Әкімшілік бөлінісі

28 елді мекен 9 ауылдық округке біріктірілген:

Әкімшілік бірлік	Орталығы	Елді мекендері	Халқы (2021)
Ақтау ауылдық округі	Ақтау ауылы	4	▼1044
Амангелді ауылдық округі	Амангелді ауылы	2	▼1227
Достық ауылдық округі	Достық ауылы	3	▼736
Қазақстан ауылдық округі	Атамекен ауылы	4	▼976
Қосшы ауылдық округі	Оян ауылы	2	▼618
Мерей ауылдық округі	Мерей ауылы	5	▼1551
Мереке ауылдық округі	Мереке ауылы	2	▼731
Тасқала ауылдық округі	Тасқала ауылы	3	▲8446
Шежін ауылдық округі	Шежін-2 ауылы	3	▼1019

Ірі елді мекендері

Атауы	Статусы	Халқы (2021)
Тасқала (Каменка)	ауыл	▲ 8118
Амангелді	ауыл	▲ 1226
Шежін-2	ауыл	▼ 971
Ақтау	ауыл	▼ 962
Мерей (Логашкино)	ауыл	▲ 929
Атамекен (Совхозное)	ауыл	▼ 836
Мереке (Подтяжки)	ауыл	▼ 680
Достық (Семиглавый Мар)	ауыл	▼ 554
Оян (Мартыново)	ауыл	▼ 538