Таутандар

Таутандар (лат. Gymnocephalus) — алабұға тәрізділерге жататын ұсақ балықтар. Таутандар Ақ және Балтық теніздерінде, Солт. Мұзды мұхит өзендерінің алаптарында, Қара және Каспий теніздерінің солтүстік бөліктеріне құятын өзендерде кездеседі. Қазақстанда Таутандар кең тараған, тек респуликаның оңтүстегіндегі су алаптарында кездеспейді.

Таутандар
Gymnocephalus cernua
Ғылыми топтастыруы
Дүниесі: Жануарлар Жамағаты: Хордалылар Ұлы табы: Сүйекті балықтар Табы: Actinopterygii Сабы: Алабұғатәрізділер Тұқымдасы: Percidae Тегі: Gymnocephalus Bloch, 1793
Үлгілік түрі
Perca schraetser Linnaeus, 1758
Синонимдері
Cernua J. C. Schaeffer, 1761 Schraitser J. C. Schaeffer, 1761 Acerina Güldenstädt, 1775 Cephimnus Rafinesque, 1815 Acerina G. Cuvier, 1816 Cernua J. Fleming, 1828 Gremilla Gistel, 1848 Leptoperca T. N. Gill, 1861 Cephimnus Rafinesque, 1815

Туыстың 4 түрі, Қазақстанда 1 түрі – кәдімгі Таутандар (G. cernua) бар. Оның денесінің ұзындығы 8 – 12 (20) см, салм. 15 – 25 (100) г. Су түбінде үйір құрып тіршілік етеді. Жыныстық жағынан 2 – 3 жасында жетіледі. Табиғи жағдайда 7 – 12 жылдай тіршілік етеді. Сәуір – маусым айларында су температурасы 8 – 20 ^oС болғанда су түбіндегі қиыршық тастарға, өсімдік тамырларына 100 мыңға жуық уылдырығын шашады.

Таутандардың шабағы зоопланктонмен, ересегі зообентоспен қоректенеді. Қоректену белсенділігі ымыртта арта түседі. Кәсіптік маңызы шамалы, кәсіптік балықтардың (табан балық, т.б.) қоректік бәсекелесі болып саналады.