Тау-кен компасыгеологиялық түсіру кезінде тау жыныстары қабаттарының жатыс элементтерін: созылу, құлау азимуттары, құлау бұрыштарын анықтауға арналған аспап. Аспап алюминийден жасалған, ұзын жағы Солтүстік пен Оңтүстік бағытына параллель пластинадан және оған бекітілген ішкі және сыртқы лимбадан тұрады. Лимбаның ортасындағы металл инеге магнитті тілше бекітілген. Тілшенің солтүстік бөлігі ақ немесе көк түспен, ал оңтүстік бөлігі қызыл түспен боялған. Оның көмегімен азимуттар, ішкі лимба тіктеуіші құлау бұрыштарын анықтайды. Тау-кен компасының ерекшелігі жұмыс істеуге ыңғайлы болу үшін лимба сағат тілінің қозғалысына кері бағытта 360-қа бөлініп, Батыс пен Шығыс орындары ауысқан. Сол себепті өлшенген созылу мен құлау азимуттары картаға еш өзгеріссіз түсіріледі.[1]

ДереккөздерӨңдеу

  1. Қазақ энциклопедиясы