Тау климаты

Тау климаты - таулы жердің климаттық ерекшеліктері; теңіз деңгейінен айтарлықтай биіктігімен және шағын аймақтағы табиғи жағдайлардың шұғыл қарама-қарсылығымен анықталады. Тау Климатының жалпы ерекшеліктері – төмендегі атмосфералық қысым, күн радиациясының жоғарғы белсенділігі мен оның ультракүлгін сәулелерге молдығы, ауаның тазалығы (тауаралық қазаншұңқырлардан басқа), ауаның төм. температурасы мен өте ылғалдылығы, биіктік бойынша жауын-шашын мөлшерінің артуы (белгілі бір шекке дейін), тау-аңғар желінің болуы. Тау климатының түр өзгерісі – 2 – 3 мың м-ден биіктікте қалыптасатын биік таулы климат. Тау Климатының адам ағзасына пайдалы әсері бар және климатотерапия (климатпен емдеуде) мақсатында кең қолданылады.

Мысалы: Қазақстан аумағындағы Іле Алатауы, Жетісу Алатауы, Алтай тауларындағы демалыс орындарында таудың таза ауасы мен тамаша табиғатының емдік қасиеті бар.