Тау хрусталь

Тау хрусталь – зергерлік және пьезооптикалық шикізат ретінде қолданылатын кварцтың ірі түрі. Ол химиялық құрамы жағынан таза, түссіз, мөлдір, кейде солғын, сарғылт болып келеді. Гексагонал призма кейіптес друзалар, үлкен жеке кристалдар құрайды, салмағы бірнеше т-ға жететін түрлері де болады. Орта және төмен температуралы гидротермалдық процестер кезінде жаралған. Тау хрусталқ кварцты, дала шпатты, кварцты-карбонатты желілер мен гранит пегматиттерінің қуыстарында орналасады. Электртехника мен радиотехникада кеңінен қолданылады. Қазақстанның Сарыарқа өңірінен табылған. Жоғарғы сапалы Тау хрусталығын жасанды жолмен де алуға болады.