Тексеру комиссиясы

Тексеру комиссиясы - ішкі бақылау жүйесі түрлерінін бірі.

Тексеру комиссиясы жауапкершілігі шектеулі немесе қосымша жауапкершілікті ұйымдарда, акционерлік қоғамдарда, қауымдастықтарда, одақтарда құрылады.

Тексеру комиссиясының мәртебесі экономикалық субъектінің жарғысында айқындалады. Акционерлердің жалпы жиналысы мен және басқармасымен қатар Тексеру комиссиясы тұрақты жұмыс істейтін ор болып табылады.

Тексеру комиссиясын құру және оның өкілеттігі мәселелері тиісті ұйымдық-құқықтық нысандағы ұйым (акционерлік қоғам жауапкершілігі шектеулі қоғамдар, т. б.) туралы зандарда баянды етіледі.

Қоғамның жарғысына сәйкес қаржы-шаруашылық қызметін бақылау үшін акционерлердің немесе құрылтайшылардың жалпы жиналысы Тексеру комиссиясын (тексерушіні) сайлайды.

Тексеру комиссиясы (тексеруші) қызметінің тәртібі (соның ішінде сыйақы немесе өтемакы төлеу шарты да) акционерлердің жалпы жиналысы бекітетін қоғамның ішкі кұжатымен реттеледі.