Темір Масин ауылдық округі
Темір Масин ауылдық округі — Батыс Қазақстан облысы Бөкей ордасы ауданының құрамындағы әкімшілік бірлік. Кеңестер Одағының Батыры Темір Масиннің құрметімен аталады.
| Қазақстан ауылдық округі | |
| Темір Масин ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
2 ауыл |
| Тұрғыны (2021) |
▼1134 |
| Бұрынғы атаулары |
Көктөбе ауылдық округі |
| Уақыт белдеуі | |
| Автомобиль коды |
07 |
Әкімшілік құрамы
өңдеуҚұрамына Бөрлі, Тереңқұдық ауылдары кіреді. Орталығы – Бөрлі ауылы. Округ құрамында болған Куйбышев ауылы 2013 жылы таратылған.[1]
Халқы
өңдеу2021 жылғы санақ қорытындысы бойынша 1134 адамды (583 ер адам және 551 әйел адам) құрады.[2]
Географиялық орны
өңдеуАуылдық округ батыс жағынан Бисен ауылдық округімен, оңтүстікте Атырау облысының Құрманғазы ауданымен, солтүстік - шығысынан - Ұялы ауылдық округімен шекараласады. 1995 жылға дейін Көктөбе ауылдық советі деп аталып, Темір Масин атындағы жылқы кеңшары ретінде 1977 жылы құрылған. Кеңшардың алғашқы директоры Ұлы Отан соғысының ардагері Әбухан Сисенғалиев. «Батыс Қазақстан облысының кейбір ауылдық елді мекендерінің атауларын өзгерту туралы» Батыс Қазақстан облыстық мәслихаттың 2007 жылғы 23 қарашадағы N 3-4 шешімі және Батыс Қазақстан облыс әкімдігінің 2007 жылғы 6 қарашадағы N 258 қаулысымен «Көктөбе» ауылдық округі Темір Масин атындағы ауылдық округ болып өзгертілді. Ауылдық округтің негізгі бөлігі Нарын құмының жерінде орналасқандықтан мал шаруашылығымен айналысуға өте қолайлы. Сондықтан округ тұрғындардың негізгі кәсібі - мал шаруашылығы. 01.07.2015 жылғы жағдай бойынша ауылдық округте мал басы: ірі қара-11633 бас, қой мен ешкі -27717 бас, түйе - 256, жылқы 4025 бас болған. Шаруа қожалықтары саны - 48, жеке кәсіпкерлер - 16. Ауылдық округте Мәдина Бегалиева атындағы орта жалпы білім беретін мектеп, учаскелік типтік аурухана, кітапхана және мәдениет үйі жұмыс істейді.[3]
Дереккөздер
өңдеу- ↑ Батыс Қазақстан облысының Бөкей ордасы ауданының кейбір елді мекендерін тарату туралы
- ↑ 2021 жылғы ұлттық халық санағының қорытындылары
- ↑ Бөкей ордасы ауданы әкімінің ресми сайты — http://www.bokeyorda-bko.gov.kz Мұрағатталған 25 ақпанның 2020 жылы.