Тиберий Цезарь Август

Тиберий Цезарь Август

Тиберий Цезарь Август- б.з. 14 жылдары Августтың өлімінөн кейінгі Римнің екінші императоры. Юлий-Клавдий әулетінен шыққан. Ол Римнің ұлы генералдарының бірі болып саналады. Паннония, Иллирия және Германиямен бірігіп солтүстік шекараның салынуына үлес қосқан. Ішкі саясатта Тиберий Августтың жолымен жүрді. Тиберий билік еткен тұста мемлекеттік қазына молайып, провинцияларды басқару жақсарды. Ал ең басты нәтиже император билігінің күшейтілуі болатын. Сондай-ақ Тиберийдің сараңдығының арқасында елдің экономикасы нығайды. Оның тұсында мемлекеттің қаржысына құрылыс жұмыстарын жүргізу тоқтатылды. Тек ғибадатханалар мен әскери маңызы бар жолдар ғана салынды.

Б.з. 16 және 22 жылдары сенат сән-салтанат пен есім алушылыққа қарсы заң қабылдады. Сонымен қатар Тиберийдің бастамасымен қазынадан ойындарға қаржы бөлу тоқтатылды. Дегенмен Тиберий кезек күттірмейтін жағдайларда қаржыға сараңдық танытқан жоқ. Б.з. 12 жылы жер сілкінісінен зардап шеккен қалаларды қалпына келтіру үшін ол 10 миллион сестерций (рим ақшасы) қаржы бөліп, сол қалаларды бес жыл салықтан босатты. Өзі билік еткен жылдары Тиберий империя қазынасын асыра толтырып, өзінен кейін үш миллиардқа жуық сестерций қалдырды. Біздің заманымыздың басында негізі қаланған Израильдің Тверия қаласы Тиберийдің құрметіне осылай аталған. Тиберий өз билігі тұсында тапсырыспен өзі және анасы Ливияның суреті бейнеленген ақшалар шығарды.

Дереккөздер

Ұ 46 Ұлы императорлар. – Алматы: “Aруна” баспасы. – 208 бет. – Сер.: “1100 қызықты деректер”. ISBN 978-9965-26-591-4