Тимур Бимашұлы Сүлейменов

Тимур Бимашұлы Сүлейменов (1943 жылы 14 ақпанда Түркістан облысының Қарабулақ ауылында туған - 2018 жылы 10 мамырында Алматыда қайтыс болған) - Қазақ бас сәулет-құрылыс академиясының құрметті профессоры, Халықаралық өнер академиясының академигі, ҚР Көркемөнер академиясының қурметті академигі, Қазақстандық дизайн мектебінің негізін салушы..

Тимур Бимашұлы Сүлейменов
Жалпы мағлұматтар
Ұлты	қазақ
Азаматтығы	Қазақстан
Туған күні	14 ақпан 1943 (1943-02-14)
Туған жері	Қарабұлақ, Сайрам ауданы Түркістан облысы, Қазақ КСР
Қайтыс болған күні	10 мамыр 2018 (2018-05-10) (75 жас)
Қайтыс болған жері	Алматы, Қазақстан
Жұмысы мен жетістіктері
Білімі	Ленинград құрылыс-инженерлік институты В.И. Ленин атындағы Қазақ политехникалық институты
Жұмыс істеген қалалар	Мәскеу, Астана, Алматы, Шымкент, Ақтау, Талдықорған, Түркістан, Жаңатас
Басты құрылыстары	«Черкасск қорғанысының батырларына» мемориалдық кешені Саяси жазалау шаралары құрбандарына арналған мемориал «Атамекен» этно-мемориалдық саябағы Аңырақай шайқасындағы қазақ халқының жоңғарларды жеңуіне арналған монументті Абай ескерткіші
Қала құрылыс жобалары	Шымкент, Түркістан, Жаңатас
Ескерткіштерді жаңғырту	Қ.А. Яссауи кесенесі

Өмірбаяны

• Ұлты - Қазақ.
• Ленинград құрылыс-инженерлік институтын (1965); В.И. Ленин атындағы Қазақ политехникалық институтын (1970) бітірген, сәулетші.
• 1959 жылдан - әрқилы қарапайым жұмыстарды атқарған.
• 1965 жылдан - «Қазқалақұрылысжобалау»» жобалау институтының сәулетшісі, Алматы қаласы Калинин ауданының бас сәулетшісі.
• 1968 жылдан - «Алмаатагипрогор» институтында сәулетшілер тобының жетекшісі, «Қазқалақұрылысжобалау» институтының жобалар бойынша бас сәулетшісі.
• 1982 жылдан - Қазақстанның Көркемдік қорының бас суретшісі, қалалық ортаның дизайны шеберханасының жетекшісі.
• 1987 жылдан - «Қазақстан Дизайнерлер одағы» РҚБ құру бастаушысы, негізін салушы, президенті. «ДАРТ» шығармашылық-өндірістік кәсіпорнының директоры.

Еңбектері

• Алматы облысындағы «Черкасск қорғанысының батырларына» мемориалдық кешенінің; Түркістан қаласын қайта құру және тарихи-мәдени туристік орталыққа айналдыру жобасының авторы. .
• Шымкент және Жанатас қалаларын салудың бас жоспарларын әзірлеуге, Түркістан қаласының тарихи аймағын қалпына келтіруге, Қ.А. Яассауи кесенесі айналасындағы тарихи аймақты қайта құру жобасына қатысқан.
• «ҚР республикалық стилі» кешенді мемлекеттік дизайн-бағдарламасының бастаушысы; ұлттық валюта дизайнын жасау, бейнелемені жобалау, Республикалық гвардияның салтанатты және күнделікті киім түрлерін жобалау, ҚР Қарулы Күштері дизайн-бағдарламаларын жасау, т.б. топтарының жетекшісі.
• Астана қаласындағы саяси жазалау шаралары құрбандарына арналған мемориалдың және «Атамекен» этно-мемориалдық саябағының, Аңырақай шайқасындағы қазақ халқының жоңғарларды жеңуіне арналған монументтің тең авторы; Мәскеу қаласындағы Абайға ескерткіштің авторы және оны салған ужымның жетекшісі.
• Талдықорған орталығын, Ақтау қаласындағы бірқатар объектілерді қайта құруды басқарған.
• Алматы және Астана қалалары дизайн-бағдарламаларының жетекшісі.
• Астана және Апматы қалалық ортасын дамыту жобаларының авторы.
• Бірқатар кітаптар дизайнының авторы.

Атақтары мен марапаттары

• ҚР Жоғарғы Кеңесі 12-ші шақырылымының депутаты.
• «Бәйтерек» республикалық сыйлығының лауреаты.
• «Парасат» (2005) орденімен; «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006) медальдарымен марапатталған.
• ҚР Еңбек сіңірген өнер қайраткері.
• ҚР Құрметті сәулетшісі.

Жеке өмірі

• Діни көзқарасы - ұстамды сопы.
• Саяси қайраткер ретіндегі идеалы - Н. Мандела.
• Хоббиі - гүл өсіру, бақ өсіру, кескіндеме, поэзия.
• Сүйіп оқитын әдебиеті - Конфуций, Қоран, X. Мураками, П. Васильев, О. Хайям.
• Үйленген. Жубайы - Сүлейменова Надежда Викторовна (1955 ж. т.), «ДАРТ» ЖШС менеджері.
• Қызы - Сүлейменова Сәуле Тимурқызы (1970 г. p.); ұлы - Сүлейменов Тамерлан

Тимурұлы (1990 ж. т.).

• 2 немересі бар.