Томат пастасы

Томат пастасын піскен помидордан жасайды. Помидорды 6—8 рет қайнатып, қаңылтыр немесе шыны банкаларға, құты немесе кеспекке салып, тұз сеуіп, бетін саңылау қалмайтындай етіп мұқият жабады. Томат пастасының құрамында 30% құрғақ зат, ал неғұрлым құнарлысының құрамында 35— 40% құрғақ зат болады. Құрамында 30% құрғақ заты бар томат-пастада орта есеппен 19% қант, 2,5% органикалық қышқыл, 60 мг % С витамині және 2 мг % каротин (А ви-таминінің негіздері) бар. Томат пастасы тұздық, борщ, жарма мен көкөніс сорпасын, еттен, балықтан, көкөніе-тен қою және жеңіл тамақтар дайындауға қолданылады. Беті жабық ыдыста томат пастасын 20оС дейінгі температурада сақтауға болады. Томат пастасын беті ашық ыдыста ұстауға болмайды, өйткені оның дәмі бұзылып көгере бастайды. Томат пастасын ұзақ мерзімге сақтау үшін, оны беті ашық ыдыстан эмальды немесе тот баспайтын болаттан жасалған кастрюльге (алюминий немесе жез ыдысты пайдалануға болады) аударып алып, үнемі араластырып отырып қайнатады. Салмағының 10%-індей тұз қосып, тағы да 5—10 минут қайнатады. Содан соң ыстық күйінде жақсылап жуылған және ыстық буға ұсталған шыны банка немесе шөлмектерге салып, бетін ыстық суға жуылған қақпақпен немесе тығынмен жабу керек. Жабардың алдында пастаға аздаған өсімдіктің ыстық майын құюға болады. Паста 0оС-дан +50С-ға дейінгі температурада жақсы сақталады. Кеспекте тұздалған пастаны сатып алып сақтаған жағдайда қосымша тұз себуге болмайды, себебі оның құрамында 10% тұз бар.