Том Хупер

Томас (Том) Джордж Хупер (ағылш. Thomas George Hooper; 5 қазан 1972(19721005), Лондон, Ұлыбритания) — британдық кинорежиссёр, сценарийші және кинопродюсер. «Патшаның сөзі» фильмі үшін Үздік режиссер номинациясы бойынша «Оскар» лауреаты (2011).

Том Хупер
ағылш. Tom Hooper
Том Хупер (2010)
Жалпы мағлұмат
Туған кездегі есімі	Томас Джордж Хупер
Туған күні	5 қазан 1972 (1972-10-05) (52 жас)
Туған жері	Лондон, Ұлыбритания
Азаматтығы	Ұлыбритания  Аустралия
Мамандығы	режиссёр сценарийші кинопродюсер
Белсенді жылдары	1990 — қазіргі уақыт
Марапаттары	«Оскар» (2011)
IMDb	ID 0393799
Том Хупер Ортаққорда

Өмірбаяны

Том Хупер 1972 жылы Лондонда Мередит пен Ричард Хупердің отбасында дүниеге келген. Мередит аустралиялық жазушы және мұғалім, ал Ричард ағылшын кәсіпкері болды. Хупер Хайгейт (Highgate School) және Вестминстер (Westminster School) мектептерінде білім алған.

13 жасында ол ағасы сыйға тартқан 16 мм «Bolex» камерасына өзінің «Боялған беттер» атты алғашқы қысқаметражды фильмін түсірді. Фильм 1992 жылы «Channel 4» арнасыда көрсетілді. Фильмнің өндірісін кинорежиссёр Пол Уайланд жартылай қаржыландырды.

2009 жылы «Лидс Юнайтед» футбол клубының тарихын баяндайтын «Қарғыс Юнайтед» фильмі шықты. 2010 жылы Хупер «Патшаның сөзі» фильмін басқарды, ол төрт «Оскар», соның ішінде «Үздік фильм» жүлдесін жеңіп алды. Хупердің өзі «Үздік режиссер» номинациясында «Оскар» алды.

Фильмография

толықметражды фильмдер

Жыл	Қазақша аты	Түпкі аты
2004	Қызыл шаң	Red Dust
2009	Қарғыс Юнайтед	The Damned United
2010	Патшаның сөзі	The King's Speech
2012	Аластатылғандар	Les Misérables
2015	Даниялық қыз	The Danish Girl
2019	Мысықтар	Cats