Топырақты ылғалдандыру

Топырақты ылғалдандыру, ылғалдандыра суару — өніп-өсуден тыс кезенде егіс себу алдында топырақтағы жеткілікті дәрежеде жоғары ылғал қорын жасау үшін қалыптан жоғары суару. Табиғи жағдайда топырақтың ылғал мөлшері жеткіліксіз болғанда өніп-өсудің бастапқы кезінде ауыл шаруашылығы дакылдарының жаппай өнуі мен қалыпты дамуын қамтамасыз ету үшін қолданылады; вегетациялық суарулардың санын азайтады. Қуаңшылық аудандарда кеңінен тараған. Күзде немесе ерте көктемде (дақылдарды себер алдында) жолақтармен немесе жүйектермен суару түрінде, ал далалық аудандарда жаңбырлата суару қолданылады. Жем-шөп дайындау аудандарында көлдете суармалау (бастыра суармалау кең тараған).