Торғын Жылқышықызы Тасыбекова
Торғын Жылқышықызы Тасыбекова (15 тамыз 1938, Іле ауданы, Алматы облысы — 18 маусым 2024, Алматы) — кеңестік және қазақ актрисасы. Қазақстан халық әртісі (1991). Парасат және Құрмет ордендерінің иегері. Қазақстан Республикасының мәдениет саласындағы мемлекеттік степендиясының иегері.
| Торғын Тасыбекова | ||||
| Туған кездегі есімі |
Торғын Жылқышықызы Тасыбекова | |||
|---|---|---|---|---|
| Туған күні | ||||
| Туған жері | ||||
| Қайтыс болған күні | ||||
| Қайтыс болған жері | ||||
| Азаматтығы | ||||
| Қызметі | ||||
| Белсенді жылдары |
1961—2024 | |||
| Амплуа | ||||
| Театр | ||||
| Марапаттары |
| |||
Өмірбаяны
өңдеуТорғын Жылқышықызы Тасыбекова 1938 жылы 15 тамызда Алматы облысы Іле ауданы Ынтымақ ауылында дүниеге келген. Сары Үйсін руынан шыққан.[1]
1961 жылы Құрманғазы атындағы Қазақ ұлттық консерваториясының актерлік шеберлік факултетін (халық артисі, профессор Асқар Тоқпановтың классын) бітірген.
1961 жылдан Мұхтар Әуезов атындағы Қазақ мемлекеттік академиялық драма театрының актерлік құрамына қабылданады. Осы жылдан бүгінгі күнге дейін қара шаңырақта қызмет етеді. Осы театрда алғаш ойнаған рөлі – М.Әуезов пен Л.С. Соболевтің “Абай трагедиясындағы” Мағыш. Торғын әр алуан рөлдерде ойнап, өзінің көпқырлы сахналық-орындаушылық өнерімен көрермендер ілтипатына бөленді.
Сахнадағы негізгі рөлдері
өңдеуМұхтар Әуезов атындағы Қазақ мемлекеттік академиялық драма театры сахнасында: Актриса ойнаған рөлдері қатарында Жансұлу (Қ.Байсейітов пен Қ.Шаңғытбаев, “Беу, қыздар-ай”), Айбала (Ә.Тәжібаев, “Той боларда”), Баян (Ғ.Мүсірепов, “Қозы Көрпеш – Баян сұлу”), Әйгерім (Б.Римова, “Абай– Әйгерім”), Ақбала (Әуезов, “Қарагөз”), Әлиман, Бекей (Ш.Айтматов, “Ана – Жер-ана” мен “Ақ кеме”), Луфти (С.Ахмад, “Келіндер көтерілісі”), Лаура (А.С. Пушкин, “Шағын трагедия¬лары”), Корина (Ф.Эрве, “Түлкі бикеш”), Марселла (Лопе де Вега, “Қызғаныштан махаббат”), Бьянка (У.Шекспир, “Асауға тұсау”), т.б. бар. Торғынның актерлік өнері лирикалы-драм. бояуы молдығымен, айшықты, сыңғырлаған сөз сазымен, әдемі сахналық қимыл-қозғалысымен ерекшеленеді.[2][3]
Марапаттары
өңдеу- 2016 жылы — Парасат ордені;
- 2006 жылы — Құрмет ордені;
- 1991 жылы — ҚР тұңғыш президентінің қолынан Қазақстан халық әртісі құрметті атағын алды;
- Қазақ КСР еңбек сіңірген әртісі;
- ҚР тұңғыш президенті — Елбасының мәдениет саласындағы мемлекеттік степендиясының иегері;
- "Қазақстан Конституциясына 25 жыл" мерейтойлық медалі (ҚР Президентінің 2020 жылғы 20 тамыздағы жарлығы);
Жеке өмірі
өңдеуЖары: Мұхтар Әуезов атындағы Қазақ академиялық драма театрының актері (1968–2001 жылдары), Қазақстанның халық әртісі Әшірәлі Кенжеұлы.
Дереккөздер
өңдеу- ↑ Құрастырушы авторы А.Байғазыұлы Бәйдібек баба - Алып бәйтерек ұрпақтарының шежіресі. Сары Үйсін. Шапырашты — Алматы: Издательство Өнер, 2000. — ? б. — ISBN 5-89840-441-4.
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2