Тоғыз жүз тоқсан бірінші авиациялық түнгі бомбалаушылар полкі

Тоғыз жүз тоқсан бірінші авиациялық түнгі бомбалаушылар полкі - әскери бөлім. 1942 жылы қыркүйекте Алматыда жасақталған. 1943 жылы көктемде Солт.-Батыс майданында Ильмень көлі маңында алғаш ұрысқа кірді. Кейіннен Калинин майданында (1943 жылы 20 қазаннан Прибалтика майданы) 3-әуе армиясының 211-авиациялық бомбалаушылар дивизиясы құрамында Великие Луки, Ржев - Вяземск, Смоленск, Полоцк, Витебск, Беларусь және Прибалтика шабуыл операцияларына қатысты. 3-Беларусь майданы құрамында Шығыс Пруссия мен Ленинградта, Латвияның батысында немістің Курляндия тобымен ұрыс қимылдарын жүргізді. Полк құрамындағы арнайы бөлінген авиажасақ ұзақ уақыт жау тылындағы Ровное және Селявшина с-лары мен Леснянск к. ауданында қимыл жасаған «Пламя» партизан бригадасына мина-диверсиялық қызмет нұсқаушыларын, байланыс офицерлерін, жарылғыш заттарды, қару-жарақ пен дәрі-дәрмек, азық-түлік жеткізіп, ол жақтан жаралы, ауру партизандарды, зардап шеккен адамдарды тылға тасыды. Полк 1946 жылы маусымда таратылды.