Трал

ТРАЛ (ағылш. trawl) –

1. балық аулау Тралы – пішіні конус тәрізді, әр түрлі тереңдіктен балық аулауға арналған тордан тоқылған сүзгі құралы. Тралдар теңіз кемелеріне ваер деп аталатын болат арқандардың көмегімен тіркеледі. Балық аулау процесі тралдық зонд арқылы бақыланады. Барлық мемлекеттерде дерлік балықтың басым бөлігі Тралмен ауланады;
2. гидрографиялық Трал – су астындағы белгілі бір тереңдіктегі кедергілерді анықтап, қауіпсіз жүзуді қамтамасыз етуге арналған құрылғы;
3. әскери істегі Трал – миналарды анықтау мен жоюға арналған құрылғы. Тактикалық мақсатына қарай іздеуші Тралдар, залалсыздандыратын Тралдар және жоюшы Тралдар болып бөлінеді. Алып жүретін көлігіне байланысты Тралдар кемелік, авиациялық және танкілік болып ажыратылады.