Тропиктік ауа

ТРОПИКТІК АУА – тропиктік және субтропиктік ендіктерде жыл бойына, қоңыржай ендіктің оңтүстігінде тек жазда қалыптасатын ауа массасы. Тропиктік ауа полюстік шептегі полюс ауасымен өзара әрекеттеседі. Циклондарда пайда болған Тропиктік ауа кейде субполюстік ендіктерге де кіріп кетеді. Тропиктік ауаның теңіздік және континенттік түрлері болады. Теңіздік Тропиктік ауаға біршама Жоғарғы температура, салыстырмалы ылғалдылық, тұрақты стратификация және сіркіремелі жауын-шашын; континенттік Тропиктік ауаға өте Жоғарғы температура, төменгі салыстырмалы ылғалдылық, шамадан тыс шаң-тозаң, жазғы нөсерлі жауын-шашын тән.