Трофим Михайлович Клименко

Трофим Михайлович Клименко(25.3.1919, Шығыс Қазақстан облысы,Ұлан ауданы,Ук-раинка селосы – өлген жылы белгісіз) - 2-дүниежүзілік соғысқа қатысушы, гвардия майоры, батальон командирі. Соғысқа дейін Клименко ұжымшарда жұмыс істеді. 1937 жылы Алматы темір жолы техникумына түсті. 1938 жылы Кеңес әскері қатарына шақырылып, Қуйбышевтегі (Ресей, қазіргі Самара қаласы) жаяу әскер училищесінде оқыды. 1941 жылдың маусым айында оған лейтенант атағы берілді. 10-гвардиялық атқыштар полкінің (1-Украина майданы, 13-армия, 6-гвардиялық атқыштар дивизиясы) батальон командирі, гвардия майоры Клименко Батыс Буг, Сан, Висла өзендерінен батальонның ойдағыдай өтуін ұйымдастырды. 1944 жылдың 2-4 тамызында Сандомир қаласының оңтүстігінде Висладан өтіп, плацдармды басып алды. Батальон плацдармды үш күн бойы қорғап, дивизия мен полктің негізгі күшінің өзеннен өтуін камтамасыз етті. Жаудың танк, жаяу әскер шабуылы на тойтарыс беру кезінде 14 танк, 8 бронды техникасын жойды. Осы операцияда көрсеткен ерлігі үшін Клименкоға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (23.9.1944). Ленин, 2 рет Қызыл Ту, 1 -дәрежелі Отан соғысы, «Қызыл Жұлдыз» ордендерімен, медальдармен марапатталған. Ол соғысты Прага қаласында (Чехия) аяқтады. 1945 жылы «Выстрел» курсын бітірді. 1964 жылы подполковник Клименко запасқа шығып, Сочи қаласында тұрды.