Тік білікті сорғы

Тік білікті сорғы — тұтқырлығы және химиялық белсенділігі жағынан суға ұқсас, өлшемі 0,1 мм дейін болатын жүзінді бөлшек құрамы массасының 0,3%-дан аспайтын, температурасы 35°С-қа дейінгі сұйықтықтарды көтеруге арналған сорғы. Өнімділігі — 1-35 м3/с, арыны — 15—110 м, ПӘК-і — 90%-ға дейін. "В" тектес сорғылардың негізгі бөлшектері "К" тектес сорғылармен ұқсас. Жұмыс доңғалағының осьтік гидравликалық күші мен айналып тұрған бөлшектер массасының гравитациялық күшін сорғыдан жоғары орналасқан тік білікті қозғалтқыштың табаны қабылдайды. Станция ғимаратының блокты түрінде сорғыш құбыр ысырмасыз массивті бетонды негізге орнатылады. Сорғыш келте құбыр сорғыш құбырмен жалғанады. Кейбір сорғылар таңбаларының сонында I немесе II деген белгі тұрса, онда бұл жұмыс доңғалағының жонылғанын білдіреді. Таңба соңындағы "А" өрпі жұмыс доңғалағының неғізгіден ерекшеленетінін, "О" өрпі — жұмыс доңғалағының айналым жиілігі қалыптағыдан өзғеше екенін, ал "М" өрпі — сорғы агреғатының құрамына екі жылдамдықта айналатын қозғалтқыш кіретінін көрсетеді.