Тіл көз тию

Тіл көз тию — ұғым. Дәстүрлі қазақ қоғамында жақсы адамға, жас балаға, жүйрік атқа, сұлу қызға көз тиеді деген ұғым бар. Сондықтан ас бергенде, той жасағанда жеңіске жеткен палуанды, озып келген атты жұрттың көзіне көп көрсетпеуге тырысады. Біреулер жас келінге, сәбиге сұқтана қараса, “көзің тиеді, түкір” дейтін, көз тисе “сұқ-сұқ”, тіл тисе “тіфә-тіфә” деп немесе біреуге қатты сүйсінгенде “тіл-аузым тасқа” дейтін ырымдар бар.