Тіл (тамақ)

Тіл — аспаздықта, негізінен, сиырдың тілі қолданылады. Оның салмағы 1,5—2 кг (сиыр), 0,5 кг (бұзау) болып келеді. Тіл жеке тағам ретінде немесе салқын басытқы ретінде дайындалынады. Кейде ерекше дәм беру үшін ет салаттарына немесе екінші тағам болатын ет жинақтарына қосылады. Тілді 1—2 тәултей суда ұстап, қайнатып терісін сыпырады. Терісін сыпырар алдында салқын суға салып қояды. Тілді пісіру үшін 4 сағ-тай қайнату қажет. Тілді картоп езбесімен, қыша немесе желкек қосып береді. Бұзау тілін құйма тағам ретінде қаймаққа қосылған желкек, ақжелкек, қайнатылған немесе тұздалған саңырауқұлақ қосып беруге болады. Татымдық ретінде кейде тілге қосып зімбір, лимон цедрасын немесе лимон шырынын береді.