Түйе малының атаулары

Түйе өсіріп шаруашылыққа пайдаланып жүрген қазақтар оны келесі түрлерге бөлген.

Нар - бір өркешті түйе.

Қоспақ - бір өркешті мен айыр түйенің будандасуынан пайда болған түйе.

Бір тума - өркешінің алдыңғы жағы "кезет" түйе.

Бекпатша - өркешінің ортасы кезетті келетін түйе.

Жөң - өркеші аласалау, жалпақ, созыңқы түйе.

Әлетүйе - өркеші ұзындау, сидам келетін суыққа төзімсіз түйе.

Аруана - жауырындарының алдыңғы жағындағы үстінде қалың өсік жүні болады, жалғыз өркешті, құйрығы ұзын, қылшықты ұрғашы түйе. Келеге түсер еркегін "ҮЛЕК", ұрғашысын "МАЯ" дейді.

Бота - жаңа туған жас төлі.

Тайлақ - бір жастан асқан түйе.

Нарша - үш жасар түйе.

Құнажын - үш жас пен төрт жастың аралығында түйе.

Екі тісті - төрт жасар түйе.

Төрт тісті - түйенің ер жеткені - баске келгені.

Дереккөздер

“Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998
"Ұлттық атаулар - халық мұрасы"/Ә.Сүлейменова, Ү.Қарасайұлы - Шымкент,1999

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

Бура - түйенің еркегі.