Түймекент ауылдық округі
Түймекент ауылдық округі — Жамбыл облысы Байзақ ауданындағы әкімшілік бірлік.
| Қазақстан ауылдық округі | |
| Түймекент ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
2 ауыл |
| Тұрғыны (2021) |
▲8395 |
| Уақыт белдеуі | |
| Автомобиль коды |
08 |
Әкімшілік құрамы
өңдеуҚұрамына Ақжар, Түймекент ауылдары кіреді. Орталығы – Түймекент ауылы.[1]
Қазақстан Республикасы Үкіметі жанындағы мемлекеттік ономастикалық комиссиясының 06.02.1997 жылғы ұйғарымымен - бұрын "Трудовой пахарь" аталып келген ауылдық округке Түймекент тарихи атауы қайтарылды.
| Елді мекен | 2009 | 2021 | 2021 2009-ға пайызбен | Ерлер 2009 | Ерлер 2021 | 2021 2009-ға пайызбен | Әйелдер 2009 | Әйелдер 2021 | 2021 2009-ға пайызбен |
|---|---|---|---|---|---|---|---|---|---|
| Ақжар ауылы | 1098 | ▼990 | 90,2 | 551 | ▼498 | 90,4 | 547 | ▼492 | 89,9 |
| Түймекент ауылы | 5195 | ▲7405 | 142,5 | 2663 | ▲3798 | 142,6 | 2532 | ▲3607 | 142,5 |
| Жалпы саны | 6293 | ▲8395 | 133,4 | 3214 | ▲4296 | 133,7 | 3079 | ▲4099 | 133,1 |
Су көздері
өңдеуЖиенбайдың қайнары - Жиенбай деген адам болған. 1990 жылдары ауыл маңында жаңа бір қайнардың көзін ашып, ел игілігіне жаратқан соң сол кісінің есімімен атап кеткен. Ол бұлақ әлі күнге халық игілігіне жарап тұр.
Сасықкөл - Талас өзені толғанда тасыған су, бір жерге жиналып, тұрып қалғандықтан иістеніп кететін көлшік. Ол 5-6 шақырым жерді алып жатыр, еш көлге немесе тоғанға құймайды.
Сырғабай арығы - кезінде ауылда өмір сүрген Сырғабай деген байдың атымен аталған. Өз қонысына қарай арық қаздырып, су тартып, жел мен су диірменін пайдаланған. Қазір ол диірмендер жоқ.
Өтеген арығы - бір кездері ауылда өмір сүрген адамның атымен аталады. Ол адам туралы дерек жоқ.
Жер аттары
өңдеуАуыл маңында биіктігі 6 м болатын "Жайлаутөбе деп аталатын V ғасырға жататын көне қала орны бар. Сол кезде қалыңдығы 1 2м, биіктігі 1,5-2 м болатын дуалдармен қоршалған. Дуалдың бұрыштарында мұнаралар болған. Қазір бұл мұнаралардың орны ғана қалған.
Байсақалдың қорғаны - Жаңабай руынан шыққан Байсақал деген болыс болған. Халық оны қадірлеп, қорған тұрғызып сол кісінің атымен атаған.
Үштөбе - үш төбелі қорымның аты. Бұл жерге ауыл адамдары жерленген. Қазірде ол төбенің екеуі тапталып, біреуі қалған.
Нұрымбет қорғаны - Нұрымбет деген діндар адам болған. Ол халықты ескіше хат тануға үйретіп, ағартушылықпен айналысқан соң оны қадірлеп, қорған тұрғызып, сол кісінің атымен атаған.[3]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
- ↑ 2021 жылғы ұлттық халық санағының қорытындылары
- ↑ Жамбыл облысының топономикалық атауларының анықтамалығы