Түйіспелі жарғыш

Түйіспелі жарғыш (орыс. контактный взрыватель) — нысанамен түйісу кезінде жарылатын жарғыш. Олар екпінді механикалық, пьезоэлектрлі, конденсаторлы және т.б., сондай-ақ керілген, қысымды, жеңілдетілген және аралас болып бөлінеді. Жедел әрекетті немесе екі-үш қондырғысы бар түрлері болады. Нысанамен түйіскенде олардың оқ-дәрілері секундтың жүзден біріндей уақытта жарылады. Инженерлік миналар мен авиабомбалардың түйіспелі жарғыштарының бәсендету уақыты бірнеше сағат немесе бірнеше тәуліке созылуы мүмкін. Түйіспелі жарғыш артиллериялық снарядтар мен миналарда, торпедалар мен ракеталардың ұрыс бөлшектерінде, авиабомбаларында, инженерлік миналарда, бомбаларда қолданылады.