Түк

Түк (волос) (лат. pilus) — сүтқоректі жануарларға тән тері эпидермисінің туындысы.

Түк — берік те серпімді мүйіз жіпше. Оның теріден шығып тұрған бөлігін түк сабағы, терідегі бөлігін түк түбірі деп атайды. Түк сыртқы мүйізді қабыршақтардан құралған кутикуладан, ортаңғы қыртысты заттан және ішкі түк өзегінен құралған. Кутикуланы пигменттелген ядросыз бірқабатты мүйізді қабыршықтар, қыртысты затты ұзынша келген мүйізделген қабыршықтар құрайды.

Түк өзегі мүйізделген текше тәрізді жасушалардан тұрады. Терідегі орналасу орны мен құрылысына байланысты түк: жабынды, ұзын және сезімтал түктерге бөлінеді. Жабынды түк тері бетінде, ұзын түкдененің белгілі бір аймақтарында (жал, құйрық, кекіл, шаша), ал сезімтал түктерінің бас аймағында (көз, иек, еріндер маңында) орналасады. Жабынды түктерінің сыртынан жауып қаптап, қорғаныс кызметін атқарады және дененің жылылығының сақталуын қамтамасыз етеді.