Түменов Серік Ниязбекұлы

Түменов Серік Ниязбекұлы (1952 жылы туған, Қызылорда қаласы) – техника ғылымының докторы (1993), профессор (1997). Жамбыл жеңіл және тамақ өнеркәсібі технологиялық институтының Семей бөлімшесін бітірген (1974). Семей ет-консерві комбинатында механик (1974–1975). Бітірген оқу орнында оқытушы, Мәскеу технология институтында аспирант (1975–1980), аға оқытушы, доцент, аға ғылыми қызметкер, профессор, ғылыми жұмыстар жөніндегі проректор (1980–1996) болды. 1996 жылдан Семей мемлекеттік университетінде халықаралық байланыс және ғылыми жұмыстар жөніндегі проректор қызметін атқарады. 90-нан астам ғылыми жарияланым мен 1 монографияның авторы.