Тұрман

Тұрман Түсіндірме сөздіктегі мағынасы — ер-тоқымның жабдығы. «Соның ішінде әсем тұрманы бар әдемі шананың қос қара атын айдаған осы Мәмбетпен таныстым» (I. Жансүгіров, Шығ.). «Тұрман» сөзі тілімізде «ат-тұрман», «ер-тұрман» қос сөздері құрамында да кездеседі. Сөздің алғашқы төркіні — парсы тілі. Онда: дарэман — атқа қажетті әбзел мағынасына мезгейді. Түсіндірме сөздіктегі «ер-тоқым жабдығы» сияқты анықтама «тұрман» сөзінің тақиясына тарлау. Ер-тоқымның өзі атқа қажетті жабдықтың бір бөлегі ғой.