Тұрмыстық ағынды су

Тұрмыстық ағынды су — коммуналдық шаруашылықтың сұйық қалдықтары. Қала тұрғыны тұтынған (тәулік ішінде 300-400 л) таза су өте ластанған күйінде ортаға қайтарылады. Т.а.с. барлық ағынды су төгіндісінің жартысын құрайды. Жыл сайын тұрмыстық ағынды суда тазартқыш имараттарда биологиялық жолмен оңай тазаланатын нәжіс және органиктерден басқа қауіпті химиялық ластағыштар құрамы көбеюде. Бұлардың арасында мұнай өнімдері, хлоридтер, сульфаттар, нитриттер, нитраттар, аммонийлік азот, фенолдар, темір, мыс, мырыш, никель, хром, корғасын, кобальт, алюминий, кадмий, кір жуатын ұнтақтар бар. Тұрмыстық ағынды суды өндеу — қала экологиясының ең бір қиын проблемасы. Қала ағындыларын ауыр металдармен және баска да уытты заттектермен ластанғанына байланысты қала тұрғындарына көкөніс және мал шаруашылығы өнімдерін беретін (көп жылдық шөптерді өсіруде) суармалы жерлерде пайдалануға болмайды. Шламды да (Тұрмыстық ағынды суды тазарту нәтижесінде пайда болатын құрғақ қалдық) тыңайтқыш ретінде қолдануға болмайды. Нәтижесінде Т.а.с. қиын өңделетін қатты қалдықтарға айналады.