Тұрғыт Өзал көшесі (Алматы)
Көшеге бүкіл түркі жұртының мақтаны, аса көрнекті мемлекет қайраткері, Түркияның 8-ші Президенті Тұрғыт Өзалдың есімі (Алматы қаласы әкімінің 22.09.1993 № 390 шешімі) берілген. Тұрғыт Өзал (1927-1993) Малотия қаласында дүниеге келген. Ол 1980-82 жылдары мемлекеттік министр, 1983-89 жылдары премьер-министр, Отан партиясының төрағасы, Түркия Президенті қызметтерін атқарған.
Көше Бостандық, Алмалы аудандарында орналасқан. Райымбек даңғылынан басталып, Жандосов көшесіне дейін созылып жатыр. Абай, Райымбек даңғылдары, Төле би, Тілендеиев, Сәтбаев, Мыңбаев, Есенжанов, Шәкәрім, Құлымбетов, Қарасай батыр, Артем, Кавказ көшелерімен қиылысады. Бұрынғы атаулары:
- а) 1-ші Сталин;
- ә) Бауман көшелері.
Көшенің ұзындығы - 2200 метр.[1]
Дереккөздер
өңдеу- ↑ Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0