Тән құмары

Тән құмары - «Ішсем, жесем, ұйықтасам деп тұрады. Бұлар - тәннің құмары, бұлар болмаса... өзі өспейді, қуат таппайды...» - деп, Абай адам жаратылысын тән мен жанға ажырата қарайды. Жан мен тәннің өзара байланысын, бірінсіз бірінің күні жоқтығын, тіпті кейде адамның өзі осы нәрседен тұратын тұтас бір құбылыс ретінде қарайтын жерлері бар. Тән қуатымен сырттан тауып, сыртта сақталатын нәрсенің аты - дәулет. Абай «Өлсе өлер табиғат, адам өлмес» дегенде тән кетіп, жанның қалатынын, өлмейтінін айтады. Бірақ, мұны бір жақты түсінбеу керек. Олардың ара жігін Абайдың жан туралы таным шығармаларын жете талдап, перделенген ой қабаттарын ашып барып қана дұрыс түсіне аламыз.