Төлеген Тоқбергенов

Төлеген Тоқбергенов (20.10.1935 ж.т., Отырар ауд.) — жазушы. 1961 ж. ҚазМУ-ды бітірген. Қазақ радиосында редактор, аға редактор және бас редактор боп, кейіннен "Мектеп", "Жазушы" баспаларында, "Жұлдыз" журналында, "Қазақ әдебиеті" газетінде бөлім бастығы болып істеген. Қазақстан Жазушылар одағында әдеби кеңесші болған. Т. әдеби сын және көркем аударма саласында өнімді еңбек етіп, "Эстетикалық тәрбие", А.Алдан-Семеновтың "Семенов — Тянь-Шанский", К.Симоновтың "Өлілер мен тірілер" трилогиясының екі кітабын, Б.Томастың "менің әпкем" пьесасын аударған. Ш ы г.: Тоғыз тарау. Сын мақалалар. А., 1974; Үш тоғыс. Сын мақалалар. А., 1977; Қос ағыс. Сын мақалалар. А., 1981.