Төлеубай Жүнісұлы Жүнісов

Төлеубай Жүнісұлы Жүнісов 1927 жылы 10 мамырда Қарағанды облысы Тельман ауданының Ростовка ауылында туған. Қазақ. Харьков құрылыс-инженерлік институтын (1948) құрылыс инженері мамандығы бойынша; Мәскеу құрылыс-инженерлік институтының аспирантурасын (1954) бітірген. Техника ғылымдарының докторы (1975). Докторлық диссертациясының тақырыбы: «Алдын ала ширатылған және жай құранды темірбетон конструкцияларының сейсмотұрақтылығы». Профессор. КСРО ИА (1989 жылдан), ҚР МИА және НИА академигі (1992 жылдан). Қазақ бас сәулет-құрылыс академиясының, Көлік және коммуникациялар академиясының құрметті профессоры, «Kazgor» Жобалау академиясының құрметті қайраткері. Ресей Сәулет және құрылыс ғылымдары академиясының құрметті мүшесі (1996 жылдан). 500-ден астам ғылыми еңбектердің, соның ішінде Халықаралық конгрестер, конференциялар, семинарлар мен симпозиумдардың басылымдарындағы ағылшын тіліндегі мақалалар мен баяндамалардың авторы және тең авторы, сондай-ақ 25 өнертабыстың авторы, ҚР және РФ 5 патентін алған. 1948 жылдан - «Қарағандыөнеркәсіптұрғынүйқұрылыс» тресі ҚМБ қүрылысшы-инженері, жумыс жүргізушісі, бас инженері. 1955 жылдан - ҚазКСР ҒА Құрылыс, құрылыс материалдары және сәулет институтының аға ғылыми қызметкері. 1958 жылдан - құрылыс қурылымдары бөлімінің меңгөрушісі, КСРО Құрылыс және сәулет академиясының Қазақ филиалының басшысы м.а. орынбасары. 1965 жылдан - «Қазөнеркәсіпқұрылыс ҒЗЖИ жоба» директорының ғылыми жұмыстар жөніндегі орынбасары, директордың м.а. 1990 жылдан - «КазНИИССА» директоры. 1999 жылдан - зейнеткерлік демалысқа шыққан, «КазНИИССА» құрметті директоры. ҚР Жер сілкінісіне шыдамды құрылысқа қолдау көрсету және стихиялық апаттардан қорғау ассоциациясының президенті, Алматы қаласы әкімінің жанындағы Жер сілкінісіне шыдамды құрылыс жөніндегі сараптамалық комиссияның төрағасы. «Жер сілкінісіне шыдамды құрылыс және инженерлік сейсмология» және «Жер сілкінісіне шыдамды құрылыс. Құрылыстардың қауіпсіздігі» (РФ) журналдарының редакциялық алқа мүшесі. ҚазГАСА және «ҚұрылысжобалауҒЗИ» жанындағы Докторлық диссертациялар қорғау бойынша кеңестің мүшесі. КСРО Министрлер кеңесі, ҚазКСР Министрлер кеңесі сыйлықтарының лауреаты. «Құрмет белгісі» орденімен және КСРО медальдарымен, ХШЖК алтын медалімен, ҚазКСР Жоғарғы Кеңесінің құрмет грамоталарымен марапатталған. Қазақстанның Құрметті инженері. ҚР құрылысшыларының Алтын құрмет кітабына енгізілген. ҚазКСР Еңбек сіңірген құрылысшысы. ҚР Еңбек сіңірген ғылым қайраткері. Үйленген. 2 баласы, 2 немересі және шөбересі бар.