Төменгі Тунгуска

Төменгі Тунгуска – Ресейдің Иркутск облысы мен Эвенк автономиялы округіндегі өзен, Енисейдің оң саласы. Ұзындығы 2989 км, су жиналатын алабы 473 мың км². Ангара бұйратынан басталып, Орта Сібір таулы үстіртіндегі тау аңғарлары арқылы ағады.

Жоғарғы ағысы

Жоғарғы ағысында (Илимпея өзенінің сағасына дейін) кең жазықпен ағады; арнасында қайраңдар көп.

Төменгі ағысы

Төменгі ағысында көлдер түріндегі, кеңейген (20 – 25 км-ге дейін) жерлері бар. Траптарды кесіп өтерде шоңғалды шатқалмен су құламаларын жасап ағады.

Салалары

Негізгі салалары: Кочечум, Непа, Таймура. Қар суымен толығады. Төменгі ағысындағы орташа су ағымы 3420 м³/с. Қазан айында қатып, мамырда мұзы ериді. Суы мамыр – шілдеде тасиды. Су таситын уақытта Тура кентінен кеме жүзеді. Сағасында Туруханск кемежайы орналасқан.^[1]

Ұзындығы	2989 км
Бассейн ауданы	473 000 км²
Бассейн	Солтүстік Мұзды Мұхиты
Бассейн өзені	Енисей
Су шығыны	3 680 м²/с

Сілтеме

↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том

[1]