Уикипедия:Форум/Ережелер

  Қауым порталы   Талқылау легі   Форум   Әлеуметтік желілер: 

Форум — Ережелер

Сілтеме: УП:ФЕ

Мұрағат

Бұл Форумның ережелерді талқылау бөлімі бұрыннан бар мен ұсынылған ережелерді және нұсқауларды пікірталасқа салуға арналады.
Егер жаңа ереже немесе жобаны ұсынғыңыз келсе, ұсыныстар бөлімін пайдалаңыз.

Хабарламаңыздың соңына (~~~~ дегенді теріп немесе өңдеу құралдары үстеліндегі қолтаңба белгішесін басып ) қолтаңбаңызды қойыңыз.

---

Басқалар · Сұрақтар · Жаңалықтар · Ұсыныстар · Ережелер · Техникалық · Қателер туралы хабарлау‎ · Администраторлар форумы ·

---

↓	Беттің сақталған уақыты 2024-09-21 Өтініш, жаңа тақырыпты беттің астынан бастаңыз.

Бітікші туралы

Уикипедиядағы Бітікші - жобаның техникалық қызмет көрсету құралдарына тиісінше мұрсаты бар қатысушы. Ол мұрсаттарға:

• қатысушыларға «бітікші» мәртебесін беру (оны бітікші ала алмайды);
• қатысушыларға «Админдер», «бот» және тексеруші дәрежелерін беру және қайтып алу ;
• тіркелгі жазбаларын қайта атау және кейбір жағдайларда тіркелгі жазбаларын озбырлықпен басып алу жатады.

Бітікшілер өзінің қызметін атқару үшін бірінші кезекте ережелер мен қауымдастық келісімдеріне арқа сүйеуге тиісті. Админдер немесе бітікші дәрежесін беру үшін админ дәрежесін алуға өтініш білдіру бетіндегі дауыс беру арқылы білдірілген қауымдастық консенсусы қажет етіледі. Бірақ, кейбір дауыс саны тең болған жағдайларда бітікшілер бұл дәрежені беру немесе бермеу жолын өзінің тыңғылықты ойластырылған дәйекті пікірлерімен шешеді.

Қатысушыдан бот дәрежесін алуға үміткер бот дәрежесін алу үшін өтініш беруі және дәреже беру үшін қауымдастық келісімін алуы керек. Бот дәрежесін алып тастау үшін боттың дәлелді себебі немесе өтініші керек. Қатысушының атауын өзгерту үшін оның келісімі керек.

Бітікшілерге жоғарыда аталған техникалық мұрсаттардан өзге қосымша техникалық мұрсаттарға жатпайтын келесі тапсырмаларды орындау жауапкершілігі жүктеледі:

• төрешілер комитетін сайлау ережесіне сәйкес төрешілер сайлауының өткізілуін қадағалайды;
• шешімі түйінді жағдайларда админ немесе бітікші дәрежесін тілеу туралы өтінім нәтижесі бойынша шешім қабылдайды.

Ережелерді тұрақты түрде қабылдау бітікшілердің міндетіне жатпайды.

Бітікшілікке кімдер үміткер бола алады

Уикипедия бітікшілігіне үміткер ретінде мына төмендегі талаптарға сай келетін қатысушылар ұсыныла алады:

• Уикипедияның қазақ бөлімінде тіркелгеніне кемінде 2 жыл болуы;
• кемінде 2000 өңдеме жасауы;
• ұсынылғанға дейін админ немесе төреші міндетін кемінде жарты жыл атқарған болуы;
• Қазақша Уикипедия бөлімінде соңғы бір жыл ішінде 3 айдан ұзақ белсенді болмай қалуы кездеспеуі;
• үміткерлікке ұсынылғанға дейін кемінде соңғы алты ай ішінде төрешілер комитеті тарапынан үміткерге қарсы талаптардың қаралуы нәтижесі бойынша ескертулердің болмауы.

Жоғарыда аталған талаптарға сай келмейтін үміткерді Уикипедияның ағымдағы бітікшілерінің бірі дауыс беруден алып тастайды.

• Дауыс берушіге қойылатын талап:

1. Уикипедияда тіркелген уақыты кем дегенде 2 ай
2. Өңдеулер саны кем дегенде 100

• Дауыс санына тиісті талаптар:

1. Қолдаушы дауыстың жалпы үлесі кем дегенде 75%
2. Дауыс саны кем дегенде 15 дауыс

Дауыс беру

Қолдаймын

1.  Қолдаймын --Kaiyr (талқылауы) 18:40, 2014 ж. мамырдың 9 (ALMT)
2.  Қолдаймын --АrysTanbek 18:51, 2014 ж. мамырдың 9 (ALMT)
3.  Қолдаймын --Нұрлан Рахымжанов 09:08, 2014 ж. мамырдың 10 (ALMT)
4.  Қолдаймын -- Kasymov ^Т 21:42, 2014 ж. мамырдың 11 (ALMT)
5.  Қолдаймын--Batyrbek (талқылауы) 14:28, 2014 ж. мамырдың 13 (ALMT)
6.  Қолдаймын -- Daniyar^@ 10:17, 2014 ж. маусымның 20 (ALMT)

Басқа пікірлер

1. Ережелерді ұсынушы ретінде дауыс беруге құқым бар ма?--Нұрлан Рахымжанов 23:45, 2014 ж. мамырдың 9 (ALMT)

Ия. Менде ереже жобасына үлес қосып, дауыс бердім.--Kaiyr (талқылауы) 01:23, 2014 ж. мамырдың 10 (ALMT)

Бітікшіні дәрежесінен айыру

Бітікші өзінің атқарып отырған қызметіне сай міндеттерін толық атқармай, бітікші ретінде бірде-бір әрекет етпегеніне 3 айдан асса, төрешілер комитетінің оның бітікші дәрежесін алу туралы мәселені дауысқа қоюға құқы бар . Дауысқа қою алдында 5 күн талқыға салу жүргізілуі керек. Талқыға салуға Қазақша Уикипедияда соңғы екі ай ішінде белсенділік танытып отырған, жалпы өңдемелер саны 200-ден асқан қатысушылар қатыса алады. Талқылау мерзімі аяқталғаннан соң төрешілер арасындағы талқылауға орын беріледі, оған тағы 5 күн мерзім беріледі. Осы екі кезең аяқталғаннан соң төрешілер дауыс беруге көшеді, ол да 5 күнге созылуы тиіс. Дауыс берушілердің (төрешілердің) басым көпшілік (2/3) дауысымен шешім қабылданады. Бітікші дәрежесін алу туралы шешім қабылданып бекітілсе, онда бітікші дәрежесін алу туралы ғаламдық стюардтарға жолданады. Бітікші дәрежесі алынғаннан қатысушы - админ дәрежесінде қала береді.Нұрлан Рахымжанов 23:51, 2014 ж. мамырдың 9(ALMT)

Бітікші дәрежесінен айыру админ дәрежесінен айырумен бірдей болғаны жөн деп ойлаймын. Бітікші ретінде жұмыс админ ретіндегіге қарағанда аз болады. Бір рет ескерту жасау керек. Болмаса дауысқа салу керек.--Kaiyr (талқылауы) 01:37, 2014 ж. мамырдың 10 (ALMT)

Бітікшінің дәрежесі негізінен жоғары. Ол админ сайлауын және төрешілер сайлауын қадағалайды. Тиісінше сол шешімдер бойынша админ және төреші дәрежесін, бот дәрежесін береді, сонымен қатар олардан да айыру шараларын жүзеге асырады. Ендеше админден гөрі күрделі болғаны дұрыс деп ойлаймын.--Нұрлан Рахымжанов 09:04, 2014 ж. мамырдың 10 (ALMT)

Төрешілер мен төрешілер комитеті туралы Ережені талқылау

Төрешілер туралы ұсыныс

Төменде Сіздердің талқылауларыңыз үшін Төрешілер туралы Ережені ұсынып отырмын. Кемшіліктері бар, оны мойындаймын. Бірақ, ең бастысы - істің баспалдағы қаланды. Кемшіліктер талқыға салу арқылы, нақты іс жүзінде қолдану арқылы жөнделіп отыратындығына сенімдімін.--Нұрлан Рахымжанов 19:39, 2014 ж. мамырдың 10 (ALMT)

Төрешілер комитеті

Төрешілер комитеті - уикипедия жұмысына қатысты әрқилы дауларды басқадай әдістермен шешу мүмкін болмай қалғанда түйінін шешу мақсатында шақырылатын белгілі бір мерзімге сайланған тәжірибелі қатысушылар тобы. Төрешілер комитеті қолдануға болатын кез келген шаралар мен тыйымдарды қолдана алады. Комитет шешімі оның мүшелерінің көпшілік дауысымен қабылданады .

• Комитетке 5 төрешіге дейін кіреді.
• Төрешілер комитетінің бір шақырылымының өкілеттік мерзімі - 6 ай.
• Төрешіге үміткерлікке қойылатын талаптар: кемінде 6 ай өтілінің болуы және кемінде 500 өңдемесінің болуы.

Бітікшілер осы ережелердің (аса маңызды емес өңдеме жасаушылар мен жұмысында ұзақ уақыт үзілісі барлар үміткерліктен алынуы мүмкін) сақталуын қадағалап отырады.

• Төрешілер комитеті төрешілерді сайлауға құқылы.
• Төрешілер комитетінің админ дәрежесі жоқ мүшелеріне бітікшілер тарапынан төрешілер комитеті жұмысы мерзімінде жойылған мақалалар мен Уикипедия:Қиянат жасау журналы жазбаларын көруге мүмкіндік беретін админ жалаушасын береді. Өкілеттік мерзімі аяқталғаннан соң жалауша бітікшілер тарапынан алынып тасталады.

Төрешілікке өтінім

Төрешілікке үміткер болу үшін өтінім Уикипедия:Төреші дәрежесін тілеу бетінде қалдырылуы керек.

Төрешілер

Өкілеттік мерзімі - 1 жыл.

Төрешілер сайлауы

Сайлауды өткізу тәртібі

Төрешілер комитетіне сайлау қызмет атқарып отырған Төрешілер комитетінің (ТК) өкілеттік мерзімі аяқталуына кемінде үш апта қалған уақытта басталады. Сайлау алдында оны өткізу кестесі жарияланады.

Сайлау төмендегі кезеңдерден тұрады:

• қатысушылардың үміткерлер ұсынуы бойынша үміткерлікке келісім алынуы (ұсыну үшін 4 күн, тағы 1 күн бұрынырақ ұсынылған үміткерлер келісімін алуға, сондай-ақ жаңа үміткерлерге өзін-өзі ұсынуға);
• бітікшілердің немесе бітікшінің көмекшісінің үміткерлерді ұсыну нәтижесін тексеру және үміткерлердің нақты тізімін жасау (1 күн);
• үміткерлерді қауымдастықтың талқыға салуы (5 күн бойына өтеді);
• қауымдастықтың дауыс беруі (7 күн бойына);
• бітікшілердің сайлау нәтижесін шығаруы (2 күн).

Сайлаудың өткізілуіне бітікшілер жауапты болады, егерде сайлау күрделі бағыт алса, қасына админдердің арасынан өзіне техникалық көмекші алуы мүмкін. Бітікішілердің көмекшілері туралы ашық түрде жариялануы керек.

Төреші дәрежесіне үміткерге қойылатын талаптар

Үміткерлікке ұсыну мерзімі басталғанға дейін Қазақша Уикипедияда тіркелгеніне кемінде 6 ай болған және қазақша уикипедия бөлімінде кемінде 500 өңдеме жасаған қатысушылар төрешіге үміткер ретінде ұсыныла алады. Төрешіге үміткерлікке шектеусіз мерзімге бұғатталған қатысушылар, сондай-ақ үміткерлікке ұсыну кезеңі басталған уақытта үміткерлік өтінімді талқыға салу аяқталғаннан соң бұғатталу мерзімі аяқталатын қатысушылар түсе алмайды. Бітікшілер осы талаптардың орындалуын қадағалай отырып, ол талаптарға "қолдан жасалған" әрекеттер арқылы (егер өңдеулер саны әдейі, әрекет санын көбейту мақсатында жасалғандығы белгілі болса) қол жеткізілгенін байқаса, талап деңгейінен өте алмады деп есептелінеді. Ондай шешім бітікшілердің консенсусы арқылы қабылданады.

Қатысушылардың дауыс беруге қатысу тәртібі

Төрешілерді сайлауға үміткерлерді ұсыну басталған уақытта кемінде 3 ай өтілі бар және кемінде 200 өңдеме жасаған қатысушылар қатыса алады. Егер қатысушы аккаунтының атын өзгерткен болса, оның өтініші бойынша бітікшілер оның өтілі мен әрекеттерін есепке ала алады. Оны тексеру үшін бітікшілер тексерушіге сұраныс жолдайды. Әрине, дауыс беруге қатысушының бір ғана аккаунтына жол беріледі. Үміткер ұсыну құқығы қатысушының кемінде соңғы жартыжылдықта кемінде 100 өңдемесі барларға беріледі.

Бітікшілер осы ережелердің сақталуын қадағалайды және қатысушылардың дауысын сызып тастауға (ақылға келмейтін, берген дауысы санаққа кіргізілмейтін, тиісті талапқа сай келмейтін дауыс берушілердің дауысын) құқылы. Мұндай шешім бітікшілердің консенсусы арқылы қабылданады.

Үміткерлерді талқыға салу

Үміткерлерді талқыға салуға барлық тіркелген, бірақ нақты уақытта бұғатталмаған, уикипедияда өңдемелер жасауға құқылы қатысушылар, тіпті дауыс беру талаптарына сәйкес келмейтін қатысушылар да қатыса алады. Талқыға салу аясында қатысушыларға үміткерлерге олар туралы нақтырақ білу үшін сұрақтар қою ұсынылады. Сұрақ қоймас бұрын, бұрынырақ қойылған сұрақтарға жауап берілуін күту қажет, ол жауаптарды оқып барып қажеттілік болуына қарай өз сұрағын қоюға болады. Сондай-ақ, әрбір сайлау үшін кезекті сайлаудың бароық мәселелерін талқыға салу мақсатында және жеке үміткерді немесе үміткерлер тобын қолдау (қарсы шығу) үгіт-насихатын жүргізу мақсатында тиісті сайлаудың талқылау беттері құрылады. Бұл бет Төрешілер комитетінің бұрынғы шақырылымын талқыға салуға арналмаған.

Үміткерді сайлаудан алып тастау

Сайдауға қатысудан бас тарту туралы үміткер сайлау басталардан кемінде 24 сағат бұрын өзінің өітініш берген бетінде хабарлауы керек.

Үгіт-насихат

Бүкіл сайлау мерзімінде ешбір нақты үміткерді көрсетпей немесе ол туралы ымдау көрсетпей, оның ішінде олардың жеке қатысу беттеріне анық шақыру жасамай қатысушыларды төрешілер сайлауына қатысуға шақыруға болады. Сайлау кезеңінде нақты үміткерді қолдау немесе қарсылық білдіруді осы сайлау үшін ашылған нақты үміткерді немесе төрешілер комитетін сайлауды талқыға салу бетінде ғана жүргізуге болады. Бұл беттерден тыс беттерде үгіт-насихатқа, сонымен қатар уики-почтаны бір немесе бірнеше үміткерлерге қолдау білдіру немесе қарсы шығу жұмыстарына қолдануға тыйым салынады. Үгіт-насихат ережесін бұзғандығы үшін бітікшілер мен оның уақытша көмекшілері (лажы болғанынша бітікшілерге) қатысушыны дауыс беру мерзімі аяқталғанға дейінгі мерзімге бұғаттауы мүмкін.

Дауыс беру үрдісі

Төрешілікке үміткерлер дауыс беру алдында әліпбилік оеьпен орналастырылады. Дауыс беру аптаға созылады. Әрбір қатысушы бірнеше үміткер үшін дауыс бере алады, бірақ бір үміткер үшін не "ия", не "жоқ" деген бір ғана дауыс бере алады. Дауыс беру аяқталғанға дейін қатысушылар өз дауысын бітікшілерге тиісінше өтінішпен шыға отырып, өзінің кез келген үміткерге берген дауысын өзгерте алады. Үміткерлерді талқыға салуға дауыс беру бетінде жасалмайды, ондай қарату сөздері бітікшілер тарапынан жойылып отырылады.

Дауыс беру уағында барлық дауыс беруге байланысты дауларды шешу тек қана бітікшілердің үлесіне қалдырылады. Бітікшінің көмекшісі болып табылатын қатысушыны қоспағанда, басқа қатысушыларға басқалардың дауысын сызуға және басқа да әрекеттер ( тіпті өз ойынша дауыс беру уағында анық тәртіп бұзушылық орын алып жатса да) жасауға тыйым салынады. Мұның орнына бітікшілерге немесе оның көмекшілеріне бұзушылық туралы хабарлауы керек.

Сайлау нәтижесін шығару

Өзіне берілген барлық дауыстың, яғни "Қолдаймын" және "Қарсымын" дауыстарының жалпы санының 2/3-інен кем дауыс жинағандар мен "Қолдаймын" дауысын 7-ден аз жинаған үміткерлер сайлаудан шығарылып тасталады. Қалған әр үміткер үшін берілген дауыстардың көп алуына орай үміткерлер тізімі жасалады. "Қолдаймын" дауыстары тең болған жағдайда, "Қарсымын" дауысы аздығы есебімен тізім ретке келтіріледі. "Қолдаймын" және "Қарсымын" дауыстары тең болып қалған жағдайда ол үміткерлердің тізімде орналасуы ретін сайлау барысында қауымдастықта өткен талқыға салуы нәтижесі бойынша бітікшілер консенсусы арқылы шешім қабылданады. Тізімде алғашқы ретпен жазылған жеті үміткер төреші болып сайланған болып есептеледі. Сайлау қорытындысы бітікшілер консенсусы арқылы бекітіледі.

Қайта сайлау

Егер бітікшілердің сайлаудың соңғы қорытындысын шығарғаннан кейін, бестен кем емес төреші сайланғаны белгілі болса, онда сайлау өтті деп есептелінеді. Егер, төреші саны беске жетпей қалса, бір аптадан кейінге қайта сайлау тағайындалады. Ол сайлауға төрешілерге қойылатын талапқа сай келетін, оның ішінде төрешілікке сайланғандар және сайлаудың өткен турларында 50 %-дан кем дауыс жинағандар мен өз үміткерлігін өзі алып тастағандардан басқасы қатыса алады. Үміткерлер ұсынылғаннан соң тура сайлаудағыдай талқыға салу, дауыс беру және қайта сайлаудың қорытындысы шығарыылады. Қайта сайлау нәтижесі бойынша сайланған төрешілер санын 5-ге жеткенге дейін қанша орын бос тұрса, соңғы тізімде алғашқылары болып ілінгендер сол орындарға сайланған болып есептеледі. Егер соңғы тізімде қажетті бос орынға сайланғандардың саны қажеттіліктен кем болса да сайлау аяқталған болып есептеледі.

Төрешілер комитетінің қабылеттілігі

Егер, сайлау немесе қайта сайлау өткізілгененен кейін де төрешілер саны 3-ден кем болмаса, төрешілер комитетінің жаңа құрамы сайланған болып есептеледі де жұмысын бастай алады. Сайлау немесе қайта сайлау өткізілгеннен кейін төрешілердің жалпы саны 3-еуден кем болса, олар қайта сайлау өткіәзіліп, төрешілер саны үшеуден кем болмағанға дейін қызметіне кірісе алмайды. Төрешілер комитетінің жаңа құрамы жұмысын бастағанға дейін бұрынғы шақырылымдағы төрешілер комитеті жұмысын жалғастыра береді.

Сайлау нәтижелеріне наразылық білдіру

Бітікшілердің сайлау нәтижелерін жариялағанынан кейін үш күннен кешіктірмей төрешілер комитетіне өтініш беру арқылы сайлау нәтижелеріне наразылық білдіре алады. Тиісті өтініш төрешілер комитетінің ескі құрамымен қаралады. Үш күн мерзім ішінде наразылықтар түспесе, сайлау нәтижелері күгіне енген болып есептеледі.

Төреші жалаушасы

Админ техникалық жалаушасы жоқ жаңа сайланған төрешілерге өкілеттік мерзімі шегінде бітікшілер тарапынан жойылған мақалалар мен қиянат жасау журналындағы жазбаларды көре алуы үшін админнің арнайы жалаушасы уақытша беріледі. Төрешілер комитетінің өкілеттік мерзімі аяқталғаннан соң, бітікшілер берілген жалаушаларды қайта алуға тиісті.

Өкілеттікті тапсыру және толық шешім шығару үшін мүмкіндік

Өкілеттік мерзімі аяқталған Төрешілер комитеті жаңа шақырылым құрамынан өздері қарап, тек қана шешім шығару үшін шешім жобасы жарияланған өтінім бойынша қосымша уақыт сұрауы мүмкін. Бұл жағдайда төмендегі шарттар орындалады:

1. Төрешілер комитетінің бұрынғы құрамы өтінім бойынша жаңа құрамға істерді өткізу кезеңіне дейін толық шешімге келуі керек.
2. Төрешілер комитеті ол туралы Уикипедия.Төрешілер форумы бетінде өкілеттік мерзімі аяқталғаннан кейін бір күннен кешіктірмей өтінім түсіруі керек.
3. Ескі құрам қарауды аяқтау үшін үшеуден артық өтінім бере алмайды.
4. Әрбірі өтінім бойынша қарауды аяқтау бойынша төрешілер комитетінің жаңа құрамы консенсумға келуі арқылы өтінім түскен күннен бастап үш күн ішінде бекітілуі керек. Егер тиісті шешім қабылданбаса, онда ол өтінімге қарсылық білдірілді деп есептеледі.
5. Шешім шығаруды аяқтау үшін рұқсат берілген күннен бастап бір ай мерзім беріледі, ол мерзім өткеннен соң шешім шығару құқығы жаң ақұрамға көшеді.
6. Қарауды аяқтау туралы рұқсат алынғаннан кейін ол өтінім бойынша Төрешілер комитетінің ескі құрамында бар жауапкершілік қалады, ол бойынша шешім қабылдау жұмысына жаңа құрам араласуға құқы болмайды.

Төреші қызметінің принципі

Төрешілер комитеті - дауларды шешудегі уикипедияның жоғарғы сатысы болып саналады. Уикипедия саясаты мен ережелері қауымдастық консенсусы арқылы қабылданатындықтан, оларды Төрешілер комитетінің құрастыруына жол берілмейді. Бірақ қаралып жатқан мәселе бойынша олардың қолданылуын талғап-талдап түсіндіруге құқылы.

Төрешілер комитетіне күрделі дауларды тиімді шешуде өзін көрсете білген қатысушылар сайлануы тиіс.

Төрешілер комитеті тек қана басқа әдістермен шешімін таппаған маңызды мәселелерді ғана қарауға тиісті, егер төрешілік реттеуге дейін талқылануға түспеген даулар туралы өтініш түсіп жатса оны қараудан бас тартуы керек.

Төрешілер комитетіне өтінімдер

Төрешілер комитетіне жасалар өтінім Уикипедия:Төрешілерге өтінімдер бетінде орналастырылады.

Жаңа өтінімдер	Ережелерді түсіндіру үшін: өтім берушілер тізімі, ережені түсіндіруге қажеттілік туындаған себептерді түсіндіру және Төрешілер комитеті жауап беруі тиісті сауалдар.
	Админдер мен араағайындардың араласуы тиімділік келтіре алмаған күрделі дауларды: Аталмыш өтінім бойынша сілтеме жасалынуға тиісті мүдделі қатысушылар тізімі. Төрешілдікке дейінгі жағдайды ретке келтіруге сілтемелер. Мүдделі тұлғалардың ұғынықты, дәлелді және айғақты ұстанымдары. Мүдделер дауы жағдайында - ағымдағы төрешілердің жартысына жуығының бас тартуы туралы мәлімдеме.
	Бұрын қаралған, бірақ жағдай өзгергендіктен және жаңаша қарау (бұл жағдайда да бұрынғы шешімге қайта дауласылмайды).

Төрешінің бас тартуы

Төрешінің өтінім бойынша бас тартуы дәлелді болса, онда қалған төрешілер оның бас тартуы туралы шешім қабылдайды. Ақылға сиымды мерзім ішінде өтінім берілген бетте қалған төрешілер өтінімнің қаралуы туралы дауыс беруге тиісті.

Төрешілер талғауы

Төрешілер өтінімді өздеріне ыңғайлы әдіспен талқыға салады. Басқа қатысушылардың талқыға салуы төрешілер талқысынан бөлек жүргізіледі, бірақ оған төрешілердің де қатысуына болады. Төрешілер комитеті кез келген қатысушының мүдделі тараптарын қатыстыра алады. Тараптарға сұрақтар қойылуы мүмкін. Өтінім бойынша ағымдағы төрешілердің көпшілігі дауыс берген шешім қабылданған болып есептеледі..

Шешімнің қисыны барлық мүдделі тараптарға түсінікті болуы керек. Қажеттілік туындаған жағдайда өтінім беру бетінде олар шешімнің түсінбеген бөлігі туралы сауал тастай алады. Лажы болса, төрешілер талғауы тиісті беттерде жарияланғаны жөн, бірақ төрешілер қаралып отырған жағдайдың күрделілігін ескере отырып, жасырын өткізуге құқы бар.

Төрешілер комитетінің шешімі

Төрешілер комитетінің шешімі Уикипедияның админдерінің бірі арқылы орындалады. Ал, егер Уикипедия:Басты бетіне сұраныс жасалынса, оған сілтемелер қойылады.

Төрешілер комитетінің шешіміне жағдайдың өзгеруіне орай (жаңа нақты жағдайлардың орын алуына орай) немесе жағдайды қараудағы бұзушылықтың орын алуына орай шағым жасалынуы мүмкін. Төрешілер комитетінің шешіміне наразылық (ағылшын тілінде) "уикимедия қорының қорғаншылар Кеңесіне" немесе Джимми Уэйлске беруге рұқсат етіледі, бірақ олар оны тек ерекше жағдайларда (комитеттің уикипедия ұстанымдарын бұзған жағдайларда) ғана қарауы мүмкін.

Төрешілерді алмастыру

Сайланған төрешіні резервтегілердің бірімен (резерв тізімінде алғашқы болып тұрғанымен) мына жағдайларда алмастыруға жол беріледі:

1. Төрешінің өз өкілеттігі мерзімі аяқталғанына дейін ауыстыру туралы берген өтініші негізінде. Бұл жағдайда автоматты түрде ауыстыру жүргізіледі.

2. Төрешінің белсенді болмағандығы үшін ауыстыру.

Төрешілер комитетінде белсенді өтінім түсіп оны қарау мерзімі ішінде (он күн ішінде) төрешілер комитеті беті мен талқылау бетінде ешқандай да бір өңдемелер жасамаса, бұл төреші белсенді емес деп есептеледі. Егер төрешілер комитетінде белсенді төрешілер екеуден аспаса, онда белсенділігін тоқтатқанына ең көп уақыт болған төрешіні автоматты түрде ауыстырылады; болмаған жағдайда белсенді төрешілер ауыстыру қажеттілігі жөнінде шешім қабылдауға тиіс. Тиісті ауыстырулар Төрешілер комитетінің өкілеттік мерзіміне дейінгі уақытқа жасалады; ауыстырылған төреші резервтегі төрешілер тізімнің ең соңына орналастырылады.

3. Төрешінің өтініші бойынша уақытша ауыстыру.

Төреші нақты бір мерзімді көрсете отырып уақытша ауыстыруды сұрай алады. Көрсетілген мерзім аяқталған соң төрешінің төрешілер форумында өзінің оралғандығы жөніндегі өтінішінен соң, кері ауыстыру жүргізіледі. Төрешілердің консенсусы болған жағдайда, резервтегі төреші қатысқан өтініш бойынша кері ауыстыру жүргізілмейді.

4. Нақты өтінім бойынша төрешіні уақытша ауыстыру.

Егер төрешілер нақты бір өтінім бойынша талғау өткізу барысында төрешілердің бірін қатыстырмау қажет деп тапса, онда сол өтінімді резервтегі төрешіні қосу арқылы шақыру туралы шешім қабылдай алады. Ауыстыру туралы шешім төрешілер форумында төрешілердің консенсусы арқылы қабылданады.

Төрешілер комитетіне жасалған өтінім бойынша барлық төрешілер (резервтегілерді қоса алғанда) талғауға қатыса алады, бірақ өтінімді қабылдау және ол бойынша шешім қабылдауға тек қана ағымдағы (сол өтінім бойынша) төрешілер ғана дауыс бере алады.

Жұмыс материалдары

• Төрешілер форумы

Агата_Муцениеце

Здраствуйте Нанёс реальную информацию о этой девушке но господин ее откатил https://kk.wikipedia.org/w/index.php?title=%D0%90%D0%B3%D0%B0%D1%82%D0%B0_%D0%9C%D1%83%D1%86%D0%B5%D0%BD%D0%B8%D0%B5%D1%86%D0%B5&diff=2605583&oldid=2605571. Связался ним на ево странице обсуждения https://kk.wikipedia.org/w/index.php?title=%D2%9A%D0%B0%D1%82%D1%8B%D1%81%D1%83%D1%88%D1%8B_%D1%82%D0%B0%D0%BB%D2%9B%D1%8B%D0%BB%D0%B0%D1%83%D1%8B:Kasymov&action=edit&section=29 но он сейчас дискуссии игнорит. Поскольку строк давности прошел прошу Вас откатить его откат. Эта девушка в реальности вела музыкальное шоу, смысл отката непонятен.--Bohdan Bondar (талқылауы) 17:14, 2018 ж. тамыздың 18 (+06)

Response in Qazaq. Qaiyrly kun! Onyn maqala ondeuin qaitaruynyn sebebi – qateleri kop. Kemshilikterdi durystap, qalpyna keltirseniz, sizdin engizgen aqparat jariyalanady. Qazaq tilinde qatesiz jazuga tyrysynyz.

Response in English. Hi! The information you uploaded contains grammatical errors. You have to resolve this problem, and it would be published. Please try to avoid mistakes in Qazaq language. AlibekKS (талқылауы) 12:09, 2018 ж. тамыздың 20 (+06)

Аққу (ауыл)

new official name http://adilet.zan.kz/kaz/docs/V18P0006035 In the rectangle on the right, change : new Ауылдық округ=ауылдық округі "Аққулы"--Bohdan Bondar (талқылауы) 01:02, 2018 ж. тамыздың 30 (+06)

• Done --Kasymov ^Т 15:48, 2019 ж. ақпанның 12 (+06)

Чернигов

Hello The Soviet Union is not 30 years old. Therefore, Kazakhstan needs to join the world community and acquaint the Kazakhs with the real name of the city Чернигив . To start, write as an alternative title translation Чернигив The time of using the Russian fake name is gone--Bohdan Bondar (талқылауы) 22:57, 2019 ж. ақпанның 11 (+06)

AdvancedSiteNotices арқылы сыртқы брендтік сілтемелерді бағалау?

Кейбір адамдар Қытай тіліндегі Уикипедия жаңалықтары мен Қытай тіліндегі Уикипедияның AdvancedSiteNotices Twitter, Telegram, Instagram, Google Form сияқты брендтердің толық атауларын пайдалануға және осы сыртқы сілтемелерді қолдануға болмайтындығын санайды. Бұл мәселе Phabricator T375253 арқылы дереу түзетілуі керек.

Менің ойымша, бұл өте негізсіз, және мен қатты қынжыламын. Сондықтан сіздердің барлықтарыңыздың пікірін білгім келеді. Біздің Уикипедиямызда да осындай жағдай бар және жақын болашақта бұл мәселе түзетілетін сияқты. Мен сіздерге қоғамдық консенсусқа қол жеткізуді және содан кейін Phabricator T375253-қа пікір білдіруді ұсынамын.

Ол былай дейді: "Мен өте сенімдімін, сіздерге сайт хабарламасынан Telegram немесе Instagram немесе Google брендтерінің атауларын сілтеуге немесе тіпті атауын атауға рұқсат берілмейді. Орталық хабарламадан бұндай болмауы керек, мен мұнда неге әртүрлі саясат қолданылуы керек деп түсінбеймін. Сіз осы беттерге сілтеме жасай аласыз wiki бетіңізден және сайт хабарламасынан wiki бетіне сілтеме жасай аласыз. Бірақ сайт хабарламасынан тікелей сыртқы сайтқа сілтеме жасамаңыз. Бұл өте мүмкін, дереу жөнделуі керек. (егер сіз бұндай жағдайдың рұқсат етілетінін көрсете алсаңыз?)"

Evaluating External Brand Links in AdvancedSiteNotices?

Some people believe that Chinese Wikipedia News and Chinese Wikipedia's AdvancedSiteNotices should not fully mention brand names like Twitter, Telegram, Instagram, Google Form, or use these external links. This issue needs to be fixed immediately on Phabricator T375253.

I find this quite unreasonable and I am very concerned. Therefore, I would like to hear all of your opinions. Since your wiki also has the same situation, and this issue is likely to be fixed in the near future, I suggest you reach a community consensus and then submit your opinion to Phabricator T375253.

He says: "I'm pretty sure you're not allowed to link to or even mention the brand names Telegram or Instagram or Google from a sitenotice. You can't from a CentralNotice, I don't see why a different policy should apply here. You can link to those pages from a page on your wiki and link from the sitenotice to that page on your wiki. But not directly from sitenotice to the external site. This is urgent, must be fixed immediately. (unless you can show us where someone said this is ok?)"--Kitabc12345 (талқылау) 07:49, 2024 ж. қыркүйектің 21 (+05)