Узамбар қоғажайы

Узамбар фиалкасы (Сенполия) — геснерия тұқымдасына жататын көп жылдық, шөптесін өсімдік.

Отаны — тропиктік Африка. Оның барқытқа ұқсас теңге жапырақтары сабағының түп жағына шоғырланады. Гүлі фиалканікі (жасыл, жасыл көк және қызғылтым) сияқты (атауы осыдан барып шыққан). Узамбар фиалкасының гүлі ақ, қызғылт, қызыл және қызыл күрең түсті болып келетін түрлері болады. Оны жарқыраған күн көзі түспейтін, терезесі шығыс немесе батыс жаққа қараған бөлмеге қойған жөн. Өсімдікке су бүркуге болмайды. Оны тұнған жылы сумен суару керек. Ол күн көзінің жылуы аз болатын қыс айларынан басқа уақыттың барлығында үнемі гүлдеп тұрады. Дегенмен күндізгі жарық түсті лампа пайдаланып, оның гүлдеу мерзімін ұзартуға болады. Өсімдікті 2 жылда 1 реттен артық қайта отырғызбайды. Оны отырғызатын топырақтың 4 бөлігі шіріген жапырақ, 1 бөлігі шымтезек және 1 бөлігі құм болу керек. Фиалканы жапырағын кесу, бұтасын бөлу арқылы, кейде тұқымын сеуіп (қаңтарда) көбейтеді. Қалемшеден өсіруге де болады. Шағын құмыраға отырғызылған (диаметрі 5—7 см) жас өркен 6—10 айдан кейін гүлдейді.

Дереккөздер

Ортаққорда бұған қатысты медиа файлдар бар: Saintpaulia