Ушу

Ушу, қытай тілінен аударғанда әскери дайындық деген мағынаны білдіреді. Оның тарихы өте көне замандары кетеді, ертеден қалыптасқан бай дәстүрі бар. Қытайда оны XX ғ-дың 60-шы жылдарынан бастап насихаттай бастады. Осы кезде Ә. Жұртшылығы мерзімді баспасөзде жарияланған үлкенді-кішілі мақалалардан, атақты киноартист Брюс Ли қатысқан фильмдер арқылы ушумен танысып бас айналатын жекпе-жек әдістері тынымсыз еңбек, талмай жаттығулар арқылы келетінін түсіне бастады. Ушу екіге бөлінеді: 1. Ушу-саньшоу, қытай әскери дайындығының қолданбалы түрі. Бұл сырттай қарағанда кикбоксингке ұқсас, бірақ оған қарағанда спортшылар орындайтын қимыл-қозғалыстары жан-жақты. 2. Ушу-таолу қару-жарақты қолдану арқылы жасалады. Кей тұсы көркем гимнастикаға, кей тұсы акробатикаға келіңкірегенмен жалпы алғанда нәзік, дәлдікке негізделген.