Уәси

Уәси - рухани өсиетті орындаушы. Әрбір Пайғамбардың рухани өсиетті қабылдап алатын өз Уәсиі болатынын алғаш айтқан—Абдолла б. Саба. Мыс., әулие Петр Иисустың Уәсиі, Әли б. Өбу Тәліп Мұхаммедтің (с.а.у.) Уәсиі болған. Ал имаматтың доктринасында Әли әулетінің ерекше жаратылғаны туралы түсінік берік орнаған. Бұл доктрина бойынша Пайғамбар өзінің тікелей бұйыруымен Әлиді мұрагер етіп сайлады. Уәси туралы ілімді, әсіресе қайсаншылар қауымы неғұрлым белсенді насихаттады. Уәси туралы түсінік имамиттік ашариттердің арасында одан әрі дамыды. Олардың ілімі бойынша алты Пайғамбарлық әрқайсысында Адам Атадан Мұхаммедке (с.а.у.) дейін бірбірімен сабақтаса байланысып жатқан 12 Уәси болды. Ең соңғы 12 Уәси Әлидің тұқымынан тарайтын 12 имам - Мұхаммедке (с.а.у.) қызмет етті. Бұлар - «Пайғамбарлардың серіктері», «діни заңдарды сақтаушьшар». Әр Пайғамбарға Аллаһтан хабар жіберіліп, ал Пайғамбар бұл құпияны Уәсиге ғана сеніп айтатын болған. Себебі ол Аллаһтың адамдар алдындағы «дәлелі» саналушы еді.