Федор Матвеевич Сафонов

Федор Матвеевич Сафонов(21.3.1923, Ресей, Челябі облысы,Варна ауданы,Маслоковцы селосы -11.5.2008, Ресей, Самара қаласы)- 2-дүниежүзілік соғысқа қатысушы, ұшқыш. 1932 жылы Қырғызстанға, 1933 жылы Қазақстанға (Шығыс Қазақстан облысы,Шемонаиха ауданы) қоныс аударған. 1939 жылы Үлбі орталау мектебін бітіріп, Семей қаласындағы ауыл шаруашылық техникумында, аэроклубта, одан кейін Орынбор облысындағы Чкалов әскери ұшқыштар мектебінде окыды. 1940 жылы Сафонов Кеңес әскері қатарына шакырылып, әскери ұшқыштар мектебін бітірді. 1944 жылы Куйбышев қаласындағы 12-авиация полкіне жіберілді. Сафонов «Ил-2» ұшағымен майданға аттанды. 1944 жылдың 21 шілдесінен бастап 1-шабуыл жасайтын гвардиялық дивизияның 74-гвардиялық авиация полкінде ұрыстарға қатысты. Беларусь, Литва Республикаларын азат етуге, Шығыс Пруссия бекінісін бұзуға және Кенигсберг пен Пиллау қалаларына әуеден шабуыл жасауға қатысты. Сафонов 109 ұшу сапарында болып, әуедегі 7 шайқасқа қатысқан. Ол 11 танкіні, өздігінен жүретін 2 зеңбіректі, 2 миномет батареясын, 46 автокөлікті, оқ-дәрісі бар 2 қойманы, жанармай қоймасын, паровоз және 30-дан астам темір жолы вагонын, 3 зениттік батареяны, 300-ге жуық жау әскерін жойды. Осы көрсеткен ерлігі үшін Сафоновқа КСРО Жоғарғы Кеңес Төралқасының Жарлығымен Кеңес Одағының Батыры атағы берілді. (29.6.1945). Ленин, 2 рет Қызыл Ту, «Қызыл Жұлдыз», 2- және 3-дәрежелі Даңқ ордендерімен марапатталды. Соғыстан кейін Сафонов Барановичи қаласында (Беларусь Республикасы) әскери қызметте болды. 1949 жылы Краснодар қаласындағы штурмандар даярлайтын жоғары мектепті бітіріп, Харьков қаласында және Сахалин аралында әскери қызметін жалғастырды. 1956 жылы Куйбышев (қазіргі Самара қаласы) қаласында әуеге қарсы корғаныс корпусы командалық пунктін басқарды. 1961 жылы запаска шьщты. Өскемен қаласында батыр атында көше бар.