Феллин қамалы

Феллин қамалы (нем. Schloß Fellin), қазіргі кезде Вильянди қамалы деп аталады (эст. Viljandi loss) — 1224 жылы бұрынғы көне қаланың орнына салынған Тевтон орденінің қамалы. Ливониядағы ең қуатты қамалдардың бірі болған. XVII ғасыр поляк-швед соғыстары кезінде толығымен қиралды. Қазіргі кезде қамал қалдықтары Вильянди қаласының тұрғындары мен қала қонақтарының сүйікті демалыс орны болып табылады.

Тарихы

Семсершілер орденінің кресшілері 1223 жылы көне қаланы жаулап алып, кейін оның орнына қамал салынды. Бір жылдан кейін тасты бекіністердің құрылысы басталды. Феллин орденнің астанасы ретінде таңдалды.

Қамал 1560 жылғы орыс әскерлерінің қоршауынан кейін бұзылды, бірақ 1602 жылғы поляк-швед соғыстары кезіндегі қоршауынан кейін одан да қатты зақымдалды және бұдан кейін қамал қайта құрылған жоқ. XVIII ғасырда қамал қалдықтары салынып жатқан Феллин қаласы үшін тас қашау орны ретінде қолданылған.

Қамалдағы алғашқы қазба жұмыстары 1878—1879 жылдары жасалды. Кейінгі онжылдықтар ішінде қазба жұмыстары әр жыл сайын өткізіледі.

Қазіргі кезде қамал қалдықтары Вильянди қаласының орталық бөлігіндегі танымал демалыс орнына айналды. Бұрынғы орталық ауласында ашық аспан астындағы сахна орнатылған.

Феллин қамалының қалдықтары

Бұл — Эстония тарихы бойынша мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.