Филумения

Филумения (фр. philuménie) – сіріңке қорапшаларының әр түрлі этикетка ларын және коллекция жасаушылар үшін арнайы шығарылатын бланк этикеткаларын белгілі бір принцип, тақырып бойынша мақсатты түрде жинау, зерттеу және жүйелеу; коллекциялаудың кең тараған түрлерінің бірі.

Шведтік сіріңкенің этикеткасы, 1903 жыл

Сурет:Matchbox Black Cat from Czestochowa.jpg

Сіріңке

Сіріңке этикеткаларын жинау әрекеті ол алғаш шыққан уақытан-ақ (Англия да, 1805 жылы) пайда болып, бүкіл дүние жүзінде кең етек алды. Сіріңке этикеткалары әдетте тақырыптық принцип бойынша жүйеленеді, мысалы коллекцияда мынадай бөлімдер болуы мүмкін: тарих (оның ішінде – атаулы даталар), экономика мен өнеркәсіп, транспорт, флора, фауна, бейнелеу өнері, сәулет өнері Мұрағатталған 9 тамыздың 2011 жылы., театр және кино, спорт, көрнекті адамдардың портреттері және т.б. Этикеткалардың жиналуына қарай коллекцияның тақырыптық бөлімдерінде жеке салалар, мысалы транспорт бөлімінде – авиация, автомобиль,темір жол , теңіз қатынасы және басқа бөлімшелер пайда болады.

Сіріңке қорапшасындағы этикетканы ажыратып алу үшін қорапшаның бетін бірнеше секунд қайнап тұрған суға батырып алады. Сосын этикетканы таза таза қағаз парағына қойып кептіреді, сосын әрқайсысын мұқият жазып , бірнеше сағат ауыр нәрсемен бастырып қояды. Осыдан кейін этикетканы альбомға орналастыруға болады. Оны міндетті түрде арнаулы жапсырманың көмегімен жапсырады (почта маркасы қағаздарының қиығын пайдалануға да болады), өйткені әдеттегі желім бояудың өңін түсіріп,этикетканы бүлдіреді. Альбомның парақтарын тігуге немесе ажырамастай етіп бекітуге болмайды, коллекцияны құндақта немесе папкада сақталатын жеке парақтарға орналастыру тиімді. Бұл қарап көру үшін де ыңғайлы.

Дереккөздер

1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред. Р.Н.Нұрғалиев, 1991.

Сілтеме

• Сіріңке
• КСРО сіріңке қораптарының каталогы Мұрағатталған 27 қаңтардың 2010 жылы. (орысша)

[[Санат: С Мұрағатталған 14 қыркүйектің 2011 жылы., от, сіріңке, Филумения]]