Фитобентос (гр. phyton - өсімдік, bentos — тередік) — өзендер мен су қоймалардың түбінде өсетін түтік өсімдіктер, өсімдіктекті организмдер жиынтығы. Фитобентостың құрамына макрофиттер (ірі балдырлар мен түтікшелі өсімдіктер) мен түптік микробалдырлар (диатомдар, көкжасылдар) кіреді. Фитобентостың түрлік құрамы мен бөлінуі субстраттың сипатына, ағыстың жылдамдығына, тереңдікке байланысты болады. Фитобентостың дамуы суы таяз белдеммен шектелген, оның таралуының максимум тереңдігі жарықтың өтуімен шектеледі және судың мөлдірлігіне тәуелді. Кейбір экожүйелерде (мысалы, суы тайыз, қамыс, құрақ басқан көлдер) фитобентос басты өндіруші болып табылады. Фитобентос өнімінің басқа түрге айналуы көбіне детриттік қоректік тізбек арқылы болады.[1]

ДереккөздерӨңдеу

  1. Қазақ тілі терминдерінің салалық ғылыми түсіндірме сөздігі: Экология және табиғат қорғау / Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5