Флобер Темірғалиұлы Мұқанов

Флобер Темірғалиұлы Мұқанов (14.12.1939 жылы туған, қазіргі Шығыс Қазақстан облысы, Семей қаласы) - суретші, Қазақстанның еңбек сіңірген қайраткері (1988). Мұқанов қазақ анимациялық киносының негізін салушылардың бірі, сахна көркемдеудің үздік шебері.[1] 1960 жылы Алматы көркемсурет училищесін, 1978 жылы Мәскеудегі МКАТ студиясының қоюшы-суретшілік бөлімін бітірген. Сол жылдан Қазақ академиялық драма театрында театр суретшісі қызметін атқарды. Қазақ сценография өнерінің дамуына мол үлес қосқан. Мұқанов "Майра" (Ә.Тәжібаев), "Шыңғысхан" (Иран-Ғайып), "Абай", "Хан Кене" (Мұқанов Әуезов), "Қозы Көрпеш - Баян сүлу", "Ақан сері - Ақтоқты" (Ғ.Мүсірепов), т.б. спектакльдердің декорациясын жасады. Ол сондай-ақ орыс және ұйғыр театрларындағы көптеген спектакльдердің қоюшы-суретшісі болды. Мұқанов пейзаж жанрында өзіндік қолтаңбасы бар суретші ретінде белгілі. Оның графика, акварель, темперада салған шығармалары мемлекеттік және жеке қорларда сақтаулы.[2]

Дереккөздер өңдеу

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8