Фокир (округ, Виргиния)

Фокир округі (ағылшын тілінде Fauquier County) АҚШ-тың Виргиния штатында орналасқан. 2010 жылғы дерек бойынша, халық саны - 65 203.

Тарихы

1608 жылы аймақты алғашқы зерттеген еуропалық зерттеуші Джон Смит бұл жерді  Manahoac тайпасының бөлігі - Whonkentia тайпасы мекендейтінін баяндаған. Бұл тайпаны 1670 жылы ирокез тайпасы қуып жіберген, одан кейін олар бұл жерді мекендемейтін болған. Ирокез тайпасы соңында аймақты Вирджиния отаршылығына берген, бұл туралы 1722 жылы Олбанимен келісім рәсімделген.

1 мамыр 1759 жылы Фокир округі құрылды, ол Принс-Уильям округінен бөлініп шықты. Бұл округтің атауын аңыз бойынша осы аймақты покер ойынынан ұтып алған Вирджинияның губернаторы Фрэнсис Фокирдің құрметіне қойған.

Азаматтық соғыс басталған кезде округ тұрғындары Конфедерация әскеріне, атап айтсақ, 11-вирджиниялық, 17-вирджиниялық және 49-вирджиниялық полктерге қызмет етті. Округ территориясында бірнеше шайқас орын алды: Торуфеир-Гэп тұсындағы шайқас, Келли-Форд тұсындағы шайқас, Элди тұсындағы шайқас, Оберненің бірінші және екінші шайқасы, Рапаханок-Стейшен тұсындағы екінші шайқас. Сол жылдары танымал партизан Джон Мосби осы округті және Лаудон округін база ретінде қолданды. Бұл территория "Мосби Конфедерациясы" деген атпен танымал болды. 

Географиясы

АҚШ халық санағы бюросының деректеріне сәйкес, округтің жалпы жер көлемі - 1 686 км², оның ішінде 1 676 км²-сы - құрғақ жер және 10 км²-сы немесе 0,6%-ы - сулы жер.

Көршілес округтері

• Кларк (Виргиния) — солтүстік;
• Лаудон (Виргиния) — солтүстік;
• Принс-Уильям (Виргиния) — шығыс;
• Стаффорд (Виргиния) — оңтүстік-шығыс;
• Калпепер (Виргиния) — оңтүстік-батыс;
• Раппахэннок (Виргиния) — батыс;
• Уоррен (Виргиния) — солтүстік-батыс.

Демографиясы

2000 жылғы халық санағы бойынша округтегі 19 842 үй қожалығында 55 139 тұрғын және 15 139 отбасы өмір сүреді. Халық тығыздығына келер болсақ, км²-ға 33 адамнан келеді. Округ территориясында 21 046 тұрғын құрылысы бар, олар км²-ға 13 құрылыс нысанынан келеді. Нәсілдік құрамына келер болсақ, ақ түтілер - 88,39%, афроамерикалықтар - 8,79%, байырғы америкалықтар (үндістер) - 0,26%,азиаттар - 0,59%, гавайлықтар - 0,03%, өзге нәсіл өкілдері - 0,60%, екі не одан көп нәсіл некесінен туғандар - 1,33%. Испантілділіктер халықтың 2,02%-ын құрайды.

Жалпы үй қожалығындағылардың 36,10 %-ы - 18 жасқа толмағандар,  63,80 %-ы - бірге тұратын ерлі-зайыптылар, 8,60 %-ы - зайыбы жоқ жалғызбасты әйелдер, 23,70 %-ы - отбасыға қатысы жоқ адамдар, 18,70 %-ы - жалғыз тұратындар, 6,20 %-ы - жалғыз тұратын қарттар. Үй қожалығының орташа өлшемі -  2,75 адам, ал отбасының орташа өлшемі - 3,14 адам.

Округтің жас ерекшелігіне келер болсақ,  20,80 %-ы - 18 жасқа жетпегендер, 8,70 %-ы - 18 бен 24 жастағылар, 28,30 %-ы - 25 пен 44 жастағылар, 26,90 %-ы - 45 пен 64 жас аралығындағылар және 15,30 %-ы - 65 жастан жоғарылар. Округтің орташа жасы - 40. Әр 100 әйелге 94,20 еркектен келеді, ал 18 жастан үлкен әйелдерге 91,70 еркектен келеді.

Үй қожалығының орташа табысы 61 999 USD, отбасының орташа табысы 93 762 USD құрайды. Ер адамның орташа табысы - 45 484 USD, әйел адамның орташа табысы -  31 738 USD. Округтің жан басына шаққандағы орташа табысы - 28 757 USD. Шамамен отбасылардың 3,70%-ы және жалпы халықтың 5,40%-ы кедейшіліктің шегінде өмір сүреді. Оның ішінде  4,70% жастар (18 жасқа толмағандар) және 65 жастан асқандардың 8,70%-ы да бар. 

Сыртқы сілтемелер

• Официальный сайт правительства округа Фокир, штат Вирджиния
• Туризм в округе Фокир, штат Вирджиния
• Публичная библиотека округа Фокир, штат Вирджиния Мұрағатталған 20 тамыздың 2008 жылы.
• Публичные школы округа Фокир, штат Вирджиния
• Торговая палата округа Фокир, штат Вирджиния
• Торговая палата Уорренгтона, округ Фокир, штат Вирджиния Мұрағатталған 3 маусымның 2013 жылы.
• Газета Times-Democrat округа Фокир, штат Вирджиния
• Ярмарка округа Фокир, штат Вирджиния Мұрағатталған 2 қарашаның 2005 жылы.
• Историческое сообщество округа Фокир, штат Вирджиния
• Список компаний округа Фокир, штат Вирджиния Мұрағатталған 12 тамыздың 2006 жылы.
• Станция погоды округа Фокир, штат Вирджиния Мұрағатталған 9 қаңтардың 2016 жылы.
• Полицейский участок города Ремингтон, округ Фокир, штат Вирджиния
• История Гражданской войны округа Фокир, штат Вирджиния Мұрағатталған 29 шілденің 2013 жылы.